Mwanamke aliyedai kuzaa mtoto na seneta Ledama ataka marudio ya DNA

Mwanamke aliyedai kuzaa mtoto wa kiume na Seneta wa Narok Ledama Ole Kina mwenye umri wa miaka miwili sasa anataka marudio ya DNA baada ya ile ya awali kubainika kuwa sio baba mtoto.

Mahakama iliamuru uchunguzi wa DNA kwa mkemia wa serikali Aprili 1 mwaka huu na matokeo yaliyowasilishwa mahakamani Mei 4 yalifichua kuwa Ole Kina hakuwa babake mtoto huyo.

Hata hivyo, mwanamke huyo anataka DNA mpya ifanywe kwa mtoto huyo na Ole Kina katika vituo vitatu tofauti, akisema ana uhakika kuwa yeye ndiye baba wa mtoto wake mchanga.

Katika maombi mapya kupitia kwa Wakili Danstan Omari, mwanamke huyo anasema matokeo mabaya si ya kweli kwa sababu ana uhakika kuwa Ole Kina ndiye baba.

"Mwombaji ana sababu za kuridhisha za kuamini kwamba matokeo ya mchambuzi wa serikali katika mkemia wa serikali yanatia shaka au ya kutilia shaka," zinasomeka karatasi za mahakama.

Katika kesi yake iliyowasilishwa mwaka jana mnamo Novemba, mwanamke huyo alidai alikutana na seneta mnamo Septemba 2019 na mara tu walikuwa kwenye uhusiano wa karibu kwa muda mrefu.

Anataka mahakama iamuru upimaji mbadala wa DNA katika vituo vingine vitatu ambavyo ni Lancet Laboratories, KEMRI na Pathway.

Anasema kuwa kuna uwezekano kwamba kutokana na hali ya ukwasi wa Ole Kina na ushawishi wake, kuna wasiwasi kwamba matokeo yaliyopingwa na mchambuzi wa serikali katika mkemia wa serikali si sahihi.

Aidha ameiambia mahakama kuwa yuko tayari  na anajitolea kulipia gharama za upimaji wa DNA tatu katika vituo hivyo vitatu.

Lakini ikiwa matokeo yataonekana kuwa sawa, anataka mahakama iamuru Ledama kubeba gharama alizotumia kwa uchunguzi wa DNA.

Pia amehimiza agizo la kumwonya Ole Kina kutoingilia majaribio hayo matatu.

"Mahakama iko radhi kutoa maagizo ya kumtahadharisha Ledama kwa njia yoyote kwa kutumia ushawishi au hadhi yake kuingilia matokeo ya upimaji katika vituo vitatu vya DNA ambavyo ni Lancet Laboratories, KEMRI na Pathway" inasomeka karatasi za mahakama.

Pia ni hoja yake kwamba mbali na kuingiliwa kwa matokeo, pia anaamini kuwa labda hitilafu ilitokea ndiyo maana anataka marudio kufanyiwa katika vituo hivo vitatu.