Mwalimu ahukumiwa miaka 20 jela kwa kumnajisi mwanafunzi wa miaka 15
Aliambia mahakama kwamba mwathiriwa alimtumia barua kadhaa za mapenzi katika kipindi hicho.
- Baba wa mtoto mmoja aliomba mahakama imhurumie kwani ana mke na mtoto wa kike wa miaka minne wa kumtunza.
Hakimu Mkuu Hellen Okwani wa Mahakama ya Sheria ya Makadara amemhukumu mwalimu wa kompyuta kifungo cha miaka 20 jela kwa unajisi.
Cedrick Wawire Egesa alipatikana na hatia ya kumnajisi mwanafunzi wake wa umri wa miaka 15 ndani ya maabara ya kompyuta katika shule moja katika kitongoji duni cha Mukuru kwa Njenga huko Embakasi.
Egesa, mwalimu wa kompyuta katika Shule ya Upili ya Topline alikiri kwamba alimnajisi msichana huyo mwenye umri wa miaka 15 tangu mwaka jana.
Alimnajisi mara mbili -tarehe 16 na 19 Machi mwaka huu.
Egesa alipewa adhabu hiyo baada ya kukiri mashtaka ya unajisi kinyume na Kifungu cha 8(1) kama kikisomwa na kifungu cha 8(3) cha Sheria ya Makosa ya Kujamiiana ya mwaka 2006.
Alitakiwa kushtakiwa kwa kosa mbadala la kufanya kitendo kichafu na mtoto mdogo kinyume na Sheria hiyo hiyo lakini hilo lilifutiliwa mbali baada ya kukiri shtaka kuu.
Katika utetezi, Egesa, 30, alimwambia hakimu kwamba mtoto huyo alimfanyia ngono mwaka jana na aliendelea hadi akakubali.
Aliambia mahakama kwamba mwathiriwa alimtumia barua kadhaa za mapenzi katika kipindi hicho.
Baba wa mtoto mmoja aliomba mahakama imhurumie kwani ana mke na mtoto wa kike wa miaka minne wa kumtunza.
Mamake mwathiriwa alitilia shaka baada ya mtoto huyo kurejea nyumbani Jumapili, Machi 19 na kumsihi ampeleke alikotoka.