Mahakama imepiga breki agizo la Ruto kuondoa marufuku ya ukataji miti

Mahakama Kuu imetoa amri kusimamisha amri ya utendaji iliyoondoa marufuku ya ukataji miti.

Rais William Ruto mnamo Juni alitoa agizo ambalo liliondoa marufuku iliyowekwa ya ukataji miti mnamo 2018.

Lakini Chama cha Wanasheria nchini Kenya kilihamia kortini kupinga agizo hilo kikisema kwamba hakukuwa na ushiriki wa umma kabla ya kuondolewa kwa marufuku hiyo.

Kwa hivyo, bodi ya mawakili ilitaka amri za kusimamisha utekelezaji wa agizo la rais.

“Maagizo yanatolewa ya kubatilisha agizo la serikali kuhusu kufutwa kwa matangazo ya Gazeti yaliyotolewa awali kwa ajili ya kutenga maeneo ya misitu/maeneo yaliyoteuliwa kuwa mapori na kurejeshwa kwa mfumo wa shamba,” agizo lililotolewa na Jaji Oscar Angote linasomeka.

Mahakama pia ilizuia serikali kutoa leseni/vibali hivyo vya kukata miti.

Angote aliagiza kwamba maombi na maagizo hayo yatumwe kwa wahusika, kwa ajili ya kusikilizwa mnamo Agosti 14, 2023.