Aliko Dangote: Tajiri wa Nigeria asalia na taji la mtu tajiri zaidi barani Afrika kulingana na Forbes
Dangote umeongezeka kwa dola milioni 400 katika mwaka uliopita hadi kufikia thamani ya dola bilioni 13.9
•Aliko Dangote ameorodheshwa na jarida la Forbes kama mtu tajiri zaidi Afrika kwa mwaka wa 13 mfululizo, licha ya matatizo ya kiuchumi nchini humo.
•Mfanyabiashara wa Afrika Kusini Johann Rupert anashikilia nafasi ya pili, huku Mwafrika Kusini mwingine, Nicky Oppenheimer, akishikilia nafasi ya tatu.
Mfanyabiashara wa Nigeria Aliko Dangote ameorodheshwa na jarida la Forbes kama mtu tajiri zaidi barani Afrika kwa mwaka wa 13 mfululizo, licha ya matatizo ya kiuchumi nchini humo.
Mabilionea 20 kwenye orodha hiyo wana thamani ya dola bilioni 82.4 kwa pamoja."Bara la Afrika linasalia kuwa mojawapo ya maeneo magumu zaidi duniani kujenga - na kudumisha - utajiri wa dola bilioni," lasema gazeti la biashara.
Orodha yake inabainisha utajiri wa mabilionea wa Kiafrika wanaoishi Afrika au wanaofanya shughuli zao kuu katika eneo hilo.Utajiri wa Bw.
Dangote umeongezeka kwa dola milioni 400 katika mwaka uliopita hadi kufikia thamani ya dola bilioni 13.9, kulingana na Forbes.
Mfanyabiashara huyo mwenye umri wa miaka 66 alijitajirisha kwa saruji na sukari na mwaka jana alifungua kiwanda cha kusafisha mafuta huko Lagos, kitovu cha uchumi cha Nigeria.
Tangu Bola Tinubu achukue wadhifa wa rais mwezi Mei kufuatia uchaguzi uliozozaniwa, thamani ya sarafu ya nchi hiyo, naira, imeporomoka na kuondolewa kwa ruzuku ya mafuta kumesababisha bei kupanda.
Forbes walisema Bw Dangote alisalia na hadi yake juu licha ya kushuka kwa thamani ya naira "jambo ambalo lilipunguza kupanda kwa bei ya hisa ya Dangote Cement".Kundi kubwa la saruji linafanya mazoezi ya hisani kupitia Wakfu wake wa Aliko Dangote ulioanzishwa mwaka wa 1994.
Ni taasisi kubwa zaidi ya kibinafsi katika Afrika ya Jangwa la Sahara ikiwa na ruzuku kubwa zaidi kutoka kwa mfadhili mmoja Mwafrika, kulingana na gazeti la Richtopia.
Wakfu wa Aliko Dangote kimsingi unaangazia afya, lishe, elimu, uwezeshaji na misaada ya kibinadamu.
Mfanyabiashara wa Bidhaa za anasa za Afrika Kusini Johann Rupert anashikilia nafasi ya pili, huku Mwafrika Kusini mwingine, mchimba madini wa almasi Nicky Oppenheimer, akishikilia nafasi ya tatu.
Afrika Kusini ina watu wanne zaidi kwenye orodha hiyo tajiri, ikifuatiwa na Misri yenye watu watano, Nigeria watu wanne na Morocco watu wawili. Algeria, Tanzania na Zimbabwe kila moja ina bilionea.