Kwa nini Sonko alizuiwa kumsaidia sagini-Wakili wa mtoto Sagini afafanua
Akijibu, Morara alidokeza kuwa, kinyume na madai yake, Sonko hakufanya majaribio ya kumsafirisha Baby Sagini
- "Kwa sasa, serikali ndiyo mlezi wa mtoto kwa sababu ya ukiukaji mkubwa wa usalama ambao amekumbana nao," wakili alifichua kwa waandishi wa habari.
Wakili anayemwakilisha Baby Junior Sagini ambaye macho yake yalitolewa Kisii alikanusha madai ya aliyekuwa gavana wa Nairobi Mike Sonko kwamba alitatizika kumsaidia kupandikizwa macho nchini Uchina.
Huku akisisitiza kwamba mtoto huyo wa miaka mitatu amewekwa chini ya ulinzi wa serikali, wakili, George Morara, alieleza kuwa yeyote anayetaka kumsaidia mtoto huyo wa miaka 3 lazima afuate taratibu za kisheria zinazolinda mashahidi wa serikali.
Akizungumza na Nation, Morara alidokeza kuwa taratibu zinazostahili lazima zifuatwe na yeyote anayetaka kupata Baby Sagini kwani usalama wa mtoto huyo ndio kipaumbele.
"Kwa sasa, serikali ndiyo mlezi wa mtoto kwa sababu ya ukiukaji mkubwa wa usalama ambao amekumbana nao," wakili alifichua kwa waandishi wa habari.
Morara alikuwa akijibu madai ya aliyekuwa gavana wa Nairobi Mike Sonko ambaye Jumanne, Desemba 27, alidai kwamba majaribio yake ya kumsaidia Mtoto Sagini yametatizwa.
Zaidi ya hayo, Sonko alidai kuwa wanasiasa katika eneo hilo walizuia na kutatiza juhudi zake za kuwezesha matibabu maalum ya Sagini katika kituo cha matibabu cha hali ya juu huko Shezen, Uchina.
Akijibu, Morara alidokeza kuwa, kinyume na madai yake, Sonko hakufanya majaribio ya kumsafirisha Baby Sagini hadi China kwa matibabu maalum ya macho.