Maswali ya Azimio kwa Ruto kuhusu 'kushindwa kurekebisha uchumi'
Wabunge hao wa Upinzani walibaini kuwa Ruto aliahidi kupunguza gharama ya maisha lakini hilo linasalia kuwa ndoto.
- Walisema mkuu wa nchi pia amekuwa akisogeza ratiba zake alizoziweka kuhusu ahadi muhimu alizotoa kwa watu wa Kenya
- Waliongeza kuwa ikiwa hawatapata majibu ya maswali, hawatakuwa na chaguo ila kuingia mitaani
Viongozi wa muungano wa Azimio waliochaguliwa Jumatano walimkashifu Rais William Ruto kwa kukosa kutimiza ahadi yake ya kampeni, miezi saba baada ya kuchukua mamlaka.
Wabunge hao wakiongozwa na kiongozi wa Wachache na Kinara wa Seneti, Enock Wambua na Edwin Sifuna walisema kile ambacho Rais William Ruto amekuwa akifanya ni kutoa visingizio.
Walisema mkuu wa nchi pia amekuwa akisogeza ratiba zake alizoziweka kuhusu ahadi muhimu alizotoa kwa watu wa Kenya.
“Maswali yetu kwa William Ruto, Gachagua, timu ya Hazina ya Kitaifa na lile linalojiita baraza la washauri wa masuala ya kiuchumi ni:
- Je, mambo yatakuwa bora lini?
- Je, ni lini shilingi itaacha kuanguka na kupoteza fedha nyingine?
- Je, uhaba wa dola utaisha lini?
- Je, ni lini bei ya bidhaa muhimu itashuka?
- Mpango ni nini?
- Je, mpango huo unaweza kushirikiwa na Wakenya?
Wabunge hao wa Upinzani walibaini kuwa Ruto aliahidi kupunguza gharama ya maisha lakini hilo linasalia kuwa ndoto.
Waliongeza kuwa ikiwa hawatapata majibu ya maswali, hawatakuwa na chaguo ila kuingia mitaani.
"Kisha tukaambiwa Kenya ilikuwa na leseni ya vyakula vya GMO. Bado, bei ilikataa kushuka na uchumi ukakataa kuimarika. Kisha tukaambiwa tusubiri kwa miezi sita. Kila miezi inapofika, malengo yanabadilika tena."
"Tunataka majibu na wasipokuja siku chache zijazo, hatutakuwa na namna zaidi ya kuwaongoza wafuasi wetu kuingia katika ofisi hizi ili kupata majibu. Tutawafuata maofisa hawa popote pale ili kupata majibu na si maonyo."