Mwanamume auawa kwa kuchomwa kisu katika vita kuhusu sigara Kariobangi
Cornelius Mangayo alidungwa kwapani Jumatatu asubuhi katika vita na Mohamud Mohamed mmoja baada ya kutofautiana.
- Kulingana na polisi, mwathiriwa alikimbizwa katika hospitali ya Mama Lucy na msamaria mwema ambapo aliaga dunia kutokana na majeraha.
Polisi wanachunguza kisa ambapo mwanamume mwenye umri wa miaka 24 aliuawa kwa kudungwa kisu katika vita vya kuwania fimbo ya sigara eneo la Kariobangi, Nairobi.
Cornelius Mangayo alidungwa kwapani Jumatatu asubuhi katika vita na Mohamud Mohamed mmoja baada ya kutofautiana.
Mshambuliaji huyo aliokota kisu alichokuwa nacho mfukoni na kumchoma Mangayo kwenye kwapa la kushoto na kumuua hapohapo.
Polisi walisema wawili hao walikuwa katika duka moja eneo hilo wakati mabishano yalipozuka kuhusu sigara kwamba mmoja wao alikuwa akivuta.
“Baadhi ya mashahidi wanadai marehemu alikuwa akivuta sigara karibu sana na mvamizi jambo ambalo lilimkasirisha huku wengine wakisema mshambuliaji alitaka kipande cha sigara hiyo afute,” alisema afisa mmoja aliyehudhuria eneo la tukio.
Mshambuliaji huyo alitoroka eneo la tukio mara baada ya tukio hilo na hajakamatwa.
Kulingana na polisi, mwathiriwa alikimbizwa katika hospitali ya Mama Lucy na msamaria mwema ambapo aliaga dunia kutokana na majeraha.
Hakuna aliyekamatwa kufikia sasa na juhudi za kumsaka mshukiwa huyo zinaendelea, mkuu wa polisi wa Nairobi Adamson Bungei alisema.