Kisii: Mike Sonko bandia atiwa mbaroni na makachero wa DCI
“Kengere aliendelea na kuandika jumbe zilizowataka watu walio na nia kujiandikisha na Sh1,000 kwa ajili ya mikopo ya awali ambayo alisema, haiwezi kukusanya riba yoyote." DCI walisema.
• Kengere alikuwa anachukua fursa hiyo akiwa na picha za Sonko kwenye utambulisho wake mitandaoni na kuwaibia watu wenye mahitaji kama vile wanao kulipiwa karo za shule.
Makachero wa DCI wamemtia mbaroni mwanamume mmoja ambaye amekuwa akiwatapeli watu akijiita Mike Sonko.
Kwa mujibu wa DCI, Newton Paul Kengere mwenye umri wa miaka 29 amekuwa akijidai kuwa Mike Sonko katika mitandao ya kijamii na kuwatapeli watu kwa ahadi hewa za kuwapa mikopo.
Newton Paul Kengere alikamatwa katika Wadi ya Riokindo ya Kisii ndani ya kaunti ndogo ya Kenyenya, ambapo simu ambayo amekuwa akitumia kutuma ujumbe wa kuvutia kwa walengwa walio hatarini na simcard kadhaa pia kupatikana.
Inaarifiwa kwamba mfanyibiashara Mike Sonko ndiye alipiga ripoti mwaka jana katika kituo cha polisi Nairobi akisema kuwa kuna watu wengi katika mitandao ya kijamii ambao wanajifananisha kuwa yeye.
Kengere alikuwa anachukua fursa hiyo akiwa na picha za Sonko kwenye utambulisho wake mitandaoni na kuwaibia watu wenye mahitaji kama vile wanao kulipiwa karo za shule.
“Kengere aliendelea na kuandika jumbe zilizowataka watu walio na nia kujiandikisha na Sh1,000 kwa ajili ya mikopo ya awali ambayo alisema, haiwezi kukusanya riba yoyote. Ili kupata mkopo, "waombaji" walilazimika kutuma nambari zao za vitambulisho, majina kamili, eneo na kutaja madhumuni.”
“Hata hivyo, baada ya kupokea ada za usajili, Kengere angehama haraka kutoka kwa mpigaji simu hadi kwa msemo, "Subira hulipa". Kauli hiyo ilikuwa malengo yake yote yangetoa Sh1,000 zao,” DCI walisema.
Timu ya DCI Nairobi Kitengo cha Utafiti wa Uhalifu na Ujasusi kilichomtafuta kijijini kwake kinamshughulikia kabla ya kufikishwa mahakamani Ijumaa, Jan 19.