Nimeazimia kuongeza ushuru kutoka asilimia 14 hadi 22 - Ruto
Matamshi ya Ruto yalikuja wiki moja tu baada ya kuwasilishwa kwa pendekezo la Mswada wa Fedha wa 2024.
- Alizungumza Jumanne wakati wa makubaliano na wanafunzi wa Shule ya Biashara ya Havard kuhusu uwezo wa kibiashara na uwekezaji barani Afrika.
Rais William Ruto ametetea mpango wa serikali wa kutoza ushuru wa ziada kwa Wakenya, akisema kuwa hiyo ndiyo njia pekee ya kuiondoa nchi katika madeni.
"Sitasimamia nchi iliyofilisika, sitasimamia nchi ambayo ina madeni. Tunapaswa kupunguza matumizi yetu," Ruto alisema.
Rais alisema anakusudia kuongeza kiwango cha wastani cha kodi nchini kutoka asilimia 14 hadi asilimia 16 ifikapo mwisho wa 2024 na analenga kati ya asilimia 20 na 22 ifikapo mwisho wa muda wake wa uongozi.
"Dhamira yangu ni kusukuma Kenya, mwaka huu tutakuwa asilimia 16. Nataka katika muhula wangu, Mungu akipenda, niiachie kati ya asilimia 20 na 22," Ruto alisema.
"Itakuwa ngumu, nina mambo mengi ya kufanya, watu watalalamika lakini najua watashukuru. Inabidi tuanze kuishi kulingana na uwezo wetu."
Alizungumza Jumanne wakati wa makubaliano na wanafunzi wa Shule ya Biashara ya Havard kuhusu uwezo wa kibiashara na uwekezaji barani Afrika.
Matamshi ya Ruto yalikuja wiki moja tu baada ya kuwasilishwa kwa pendekezo la Mswada wa Fedha wa 2024.
Muswada wa Sheria ya Fedha, 2024 ulichapishwa Mei 9 na unatazamiwa kushirikishwa na umma baada ya hapo.
Mswada huo una mapendekezo ya ushuru ambayo serikali ya Kenya Kwanza inataka kutumia kukusanya mapato na kufadhili miradi yake kabambe.
Moja ya mapendekezo ni kuanzishwa kwa Kodi ya Magari, yenye kiwango cha asilimia 2.5 ya thamani ya gari.
Kiwango cha chini cha ushuru kinacholipwa kwa Kamishna kwa kila gari wakati wa utoaji wa bima itakuwa Sh5,000 na kiwango cha juu cha Sh100,000.
Mswada huo unasema kuwa hesabu itategemea utengenezaji, modeli, uwezo wa injini na mwaka wa utengenezaji.