Wetangula:Nilimpata Guliye ofisini mwa Chebukati akilia

Spika wa Bunge la Kitaifa Moses Wetangula Jumanne alifichua kwamba aligongana na Kamishna Abdi Guliye akilia katika afisi ya Wafula Chebukati Bomas.

Wetangula alisema Guliye alikuwa akilia huku akihema kwa maumivu makali baada ya kushambuliwa na wahuni katika eneo la Bomas of Kenya mnamo Agosti 15.

Akizungumza wakati Rais William Ruto alipofanya mkutano na wenyeviti na Makamishna wa afisi na Tume Huru, Wetangula alisikitika kuwa wavamizi wa Guliye bado wanazurura kwa uhuru.

"Niliingia ofisini kwako(Chebukati) baada ya zogo na kumkuta profesa Guliye, profesa, mtu mzima kamishna akilia huku miguu yake yote miwili ikivuja damu nyingi sana baada ya kushambuliwa kwenye jukwaa,” Wetang'ula alikumbuka.

"Kinachoshangaza, AG (Mwanasheria Mkuu) ni kwamba wale wahuni wote waliosababisha ghasia na kunaswa kwenye CCTV, hakuna hata mmoja aliyefikishwa mahakamani."

Spika, huku akimsifu Chebukati na makamishna wake wawili-Guliye na Boya Molu-alisema waliweka kiwango cha juu zaidi kwa sababu ya ujasiri wao.

Akisema kwamba nchi hapo awali imewatuza watu ambao hawastahili tuzo, Wetang'ula alisema mwenyekiti anayeondoka wa IEBC "anastahili kutuzwa zaidi kuliko mtu mwingine yeyote."

"Sio njia bora ya kupambana na kutokujali kwa sababu sote tuliwaona, tuliona nani alimpiga Chebukati, tuliona ni nani aliyemwangusha Guliye, tuliona ambaye alijaribu kunyakua hati kutoka kwa Molu," alisema.

Chebukati, Molu na Guliye walishambuliwa ndani ya ukumbi wa Bomas of Kenya mnamo Agosti 15 huku machafuko yakizuka muda mfupi kabla ya Ruto kutangazwa mshindi wa uchaguzi wa urais mwaka jana.