Jamaa amuua mpenzi wake mjamzito kwa kumdunga makasi mara 40 tumboni

Mwanamume mmoja alimuua mpenzi wake aliyekuwa mjamzito kwa kumchoma na mkasi mara 40 kwa sababu alijaribu kuvunja uhusiano wao.

Liam Taylor, 37, alikiri kumuua mama wa watoto wanne Ailish Walsh, 28, baada ya kujaribu kuachana naye kwa sababu alikuwa akitumia dawa za kulevya.

Taylor alimdunga kisu Bi Walsh, ambaye alikuwa na ujauzito wa wiki 12 na mtoto wake, katika shambulio la kikatili la kipekee nyumbani kwake huko Hackney, London mashariki, mwaka jana.

Bi Walsh alipatikana akiwa ametapakaa damu katika koti lenye muonekano karibu na nguo na mkasi uliolowa damu.

Taylor aliwaambia polisi baada ya kukamatwa kuwa ni 'wazimu jinsi wakati mmoja wa wazimu unaweza kubadilisha maisha yako yote'.

Kulingana na Mail Online, Jaji Alexia Durran alimwambia Taylor: “Umekiri kosa kubwa leo na kuna hukumu moja tu. Swali ni kwamba itachukua muda gani kabla ya bodi ya parole kuweza kufikiria kuachiliwa kwako.”

Kanda za CCTV zilinasa Taylor akiingia kwa njia ya lango la jumuiya nyumbani kwake jioni hiyo saa 8.36 na kuondoka saa 9.14 jioni, jarida hilo lilihadithia.

Rafiki wa kike alikuwa amempigia simu mwathiriwa na kusikia sauti za mayowe na mapigano nyuma dakika tano kabla ya kuondoka.

Alikuwa amepata mawasiliano baada ya Bi Walsh kutuma ujumbe wake kusema kwamba alikuwa akijaribu kumwondoa Taylor kwenye nyumba yake kwa sababu alikuwa anatumia dawa za kulevya, jaji aliambiwa.

Baba na kakake Bi Walsh walitazama kutoka kwenye ukumbi wa mahakama huku Taylor, ambaye hapo awali alikuwa na hatia ya unyanyasaji dhidi ya wanawake, alikiri mauaji.

Mwendesha mashtaka Paul Casey alisema uchunguzi kamili wa maiti bado haujatolewa na Taylor anaweza kushtakiwa kwa uharibifu wa mtoto kulingana na ushahidi wa muda wa ujauzito.

Kutakuwa na kusikilizwa tena mnamo Mei 10 lakini tarehe ya hukumu bado haijawekwa.