Mngurumo wa injini ya helikopta huchochea hisia za kufanya mapenzi kwa mamba - utafiti
"Madume wote wakubwa waliinuka na kunguruma na kuinua midomo angani, na kisha baada ya helikopta kuondoka waliwapanda wenzao wa kike kama wazimu," Lever alisema.
• Mwelekeo huo wa kustaajabisha umeonekana katika shamba la mamba huko Queensland, walieleza Zaidi.
• Wanafanya mapenzi wakati wa mvua ya radi ili watoto waweze kuanguliwa katika hali ya wastani zaidi.
Utafiti umegundua kwamba "sauti ya radi" inayotolewa na rota za helikopta za kijeshi "huchochea hisia za ngono kati ya mamba wa maji ya chumvi huko Australia", lilisema The Telegraph.
Watafiti walihitimisha kuwa "mngurumo mkali wa choppers" unasikika "kama kishindo cha kujamiiana cha mamba wa kiume wapinzani" au "huamsha sauti ya radi", ambayo inaashiria mwanzo wa msimu wa mvua na wakati wa kuzaliana, gazeti hilo lilisema.
Mwelekeo huo wa kustaajabisha umeonekana katika shamba la mamba huko Queensland, walieleza Zaidi.
Wafugaji kutoka Shamba la Mamba la Koorana huko Queensland, ambalo ni nyumbani kwa zaidi ya mamba 3,000, walisema wakazi wao wenye magamba walisisimka baada ya helikopta kuruka kwenye shamba hilo na walianza "kupandana kama wazimu."
John Lever, mmiliki wa shamba hilo, aliiambia ABC kwamba marubani wa helikopta wanatumia shamba lake kama kielelezo kubadili njia katikati ya safari ya ndege, huku rubani mmoja hivi majuzi akija chini sana ili abiria waliokuwemo waweze kupiga picha chache za mamba.
"Madume wote wakubwa waliinuka na kunguruma na kuinua midomo angani, na kisha baada ya helikopta kuondoka waliwapanda wenzao wa kike kama wazimu," Lever alisema.
"Kuna kitu kuhusu mawimbi ya sauti ambacho huwachochea sana."
Hili lilichangia watafiti kuingia nyanjani ili kulipatia ufumbuzi.
Mtaalamu wa magonjwa ya binadamu Mark O'Shea kutoka Chuo Kikuu cha Wolverhampton nchini U.K., aliiambia Live Science kuna sababu chache kwa nini helikopta inaweza kuzua hisia ya ngono ya mamba.
Sababu moja inaweza kuhusishwa na helikopta zinazoiga ishara nyingi za onyo za radi inayoingia.
Mvua kubwa inajulikana kuwa na athari ya aphrodisiac kwa aina nyingi za mamba. Na mamba wa maji ya chumvi (Crocodylus porosus) wanaonekana kufanya mapenzi kwa wakati ili watoto wapya wanaoanguliwa wasizame kwenye maji ya mafuriko baada ya mvua kubwa na dhoruba, O'shea aliambia Live Science.
Wanafanya mapenzi wakati wa mvua ya radi ili watoto waweze kuanguliwa katika hali ya wastani zaidi.
"Kwa kawaida, kujamiiana ni jambo la msimu kwa sababu [mamba] wanataka kuwiana na wakati mzuri wa kutaga mayai kwenye shimo au kiota," O'Shea alisema.
Hali ya hewa ya joto na ya mvua kwa kawaida huchochea tabia za kujamiiana, na Oktoba ni karibu wakati mwafaka wa mapenzi ya mamba Kaskazini mwa Australia, ambako shamba la mamba la Lever liko.
Lakini rota za helikopta zinazoruka chini zinaweza kutoa ishara zilezile zinazowaambia mamba kuwa dhoruba iko karibu.