Wanafunzi zaidi ya 500 waachwa bila malazi baada ya moto kuteketezwa mabweni katika shule ya upili ya Kakamega
Chanzo cha moto huo bado hakijabainika
•Habari njema ni kuwa hakuna yeyote aliyejeruhiwa wala kupoteza maisha katika mkasa huyo kwani tayari wanafunzi wote walikuwa madarasani kwa wakati huo.
Wanafunzi katika shule ya upili ya Kakamega wameamkia moto mkubwa ulioteketeza mabweni mawili.
Moto huo ambao unaripotiwa kuanza mwendo wa saa kumi na mbili asubuhi uliteketeza malazi ya wanafunzi 584.
Habari njema ni kuwa hakuna yeyote aliyejeruhiwa wala kupoteza maisha katika mkasa huyo kwani tayari wanafunzi wote walikuwa madarasani kwa wakati huo.
Hata hivyo mali yenye thamani kubwa isiyojulikana iliharibiwa na moto huo
Mwalimu mkuu wa shule hiy Gerald Orina amesema kwamba wanafunzi walijaribu kuuzima moto ule ila juhudi zao zote ziligonga mwamba.
Baadhi ya wazazi walifika pale shuleni baada yakupokea habari kuhusu moto uliokuwa umetokea.
Orina amehimiza wazazi walio na wanafunzi katika shule hiyo kuwa watulivu huku uchunguzi kuhusiana na chanzo cha moto ukiendelea.
Amesema kwamba bado hawajaweza kubaini kilichosababisha moto huo.