Muungano wa Azimio watangaza tarehe za mikutano ya Kibra, Mavoko
Wandayi alisema mkutano huo wa Jumapili utafanyika katika uwanja wa Kamukunji Kibra.
- Alisema mashauriano kuhusu maendeleo ya hivi majuzi yanayohusiana na Tume Huru ya Uchaguzi na Mipaka yatasaidia kurekebisha mustakabali wa Kenya, kabla haijachelewa
Muungano wa Upinzani, Azimio la Umoja mnamo Alhamisi ulitangaza tarehe za mikutano yao miwili ijayo.
Kiongozi wa walio wachache Opiyo Wandayi alisema mikutano hiyo iliyopewa jina la 'Baraza la Watu' itaanza tena Februari 5, (Jumapili).
Wandayi alisema mkutano huo wa Jumapili utafanyika katika uwanja wa Kamukunji Kibra.
"Tungependa kuwafahamisha wafuasi wetu, umma kwa ujumla na Wakenya wote wanaoishi nchi yetu kwamba Baraza letu la Watu limepangwa kuendelea wiki hii na majuma yafuatayo.
"Siku ya Jumapili, Februari 5, 2023, tutafanya BARAZA katika uwanja wa Kamukunji katika Eneo Bunge la Kibra. Hili litafuatwa na Baraza lingine mnamo Ijumaa, Februari 10, 2023, wakati huu Mavoko, Kaunti ya Machakos," amesema.
Alitoa wito kwa wananchi kuhudhuria mikutano hiyo na kujadili changamoto zinazoikabili nchi.
Sehemu ya yatakayojadiliwa ni pamoja na gharama ya juu ya maisha na IEBC.
Alisema mashauriano kuhusu maendeleo ya hivi majuzi yanayohusiana na Tume Huru ya Uchaguzi na Mipaka yatasaidia kurekebisha mustakabali wa Kenya, kabla haijachelewa.
"Wakenya watakumbuka kuwa chombo chetu cha uchaguzi kiliipeleka nchi hii vitani siku za nyuma. Tulinusurika na sharubu. IEBC, ikiungwa mkono na utawala wa UDA, ina nia ya kutupeleka vitani tena. Inabidi tutafute njia. ya kuwazuia," Wandayi aliongeza.