Hilo ni jambo la kupongezwa, sote tulipe ushuru – Ruto kwa Mama Ngina

Rais William Ruto  siku yaJumapili alishikilia kuwa Wakenya wote lazima walipe ushuru, matamshi yaliyokariri kauli iliyotolewa na aliyekuwa Mke wa Rais Jomo Kenyatta, Mama Ngina Kenyatta siku moja kabla.

Akiwahutubia waumini katika Kanisa la Deliverance Church International mjini Ruai, Nairobi, Ruto alisema Wakenya wote sasa wamekubaliana kwamba kusiwe na msamaha wa ushuru kwa mtu yeyote.

"Nina furaha kwamba kama nchi, tumejenga maelewano kwamba bila kujali hadhi yako, eneo au dini yako hakutakuwa na msamaha wa kodi kwa mtu yeyote," alisema.

“Sote tumekubaliana kwamba hakutakuwa na watu wakubwa, sote ni sawa mbele ya sheria na Katiba na wote tutalipa kodi kulingana na mapato yetu. Hilo ni jambo la kupongezwa kwa sababu hatutaangalia kabila, tabaka, dini au wewe ni kijana au mzee tunapojadili masuala ya ushuru,” aliongeza.

Rais aliongeza kuwa kukubali kulipa kodi ni makubaliano bora zaidi ambayo nchi inaweza kuwa nayo.

"Itatusaidia kukabiliana na tishio la madeni. Jibu la kumaliza kuongezeka kwa deni ni kwa kila mtu kulipa kodi.

Msukumo wa Ruto kutaka Wakenya wote walipe ushuru umeonekana kama ni kulengwa kwa Uhuru Kenyatta na familia za marehemu Rais Daniel Moi.

Akihutubia semina ya wabunge ya baada ya uchaguzi mjini Mombasa Jumatatu iliyopita, Ruto alisema kuwa baadhi ya watu walijiondoa kulipa ushuru walipokuwa mamlakani.

Alidai watu hao hao wanataka kudumisha hali iliyopo kwa kufadhili mikutano ya Azimio, lakini aliapa kutoruhusu kutolipwa kodi chini ya uangalizi wake.

"Watu wema ambao walikuwa wamezoea kujizuia kulipa ushuru, siku zao zimekwisha," Ruto alisema.

"Kila raia lazima alipe ushuru. Haijalishi hata kama watafadhili maandamano ili wasilipe ushuru. Ninawaahidi watalipa ushuru. Hakuna msamaha tena," alisisitiza.

Akizungumza wakati wa ufunguzi wa Kanisa Katoliki la Tewa ambalo alisaidia kujenga eneo la Mpeketoni, kaunti ya Lamu, Mama Ngina alisema kulipa karo ni lazima kwa kila mtu bila kujali hadhi yake.

"Kulipa ushuru ni lazima, uwe mkubwa au mdogo. Watu lazima walipe kodi kulingana na mapato yao," alisema.

Hata hivyo, Mke wa Rais wa zamani alisema masuala ya kodi hayafai kuingizwa siasa na kujadiliwa katika mikutano ya viongozi wa serikali.

Mama Ngina alisema wanasiasa hawafai kuchafua jina la watu kuhusu suala la ushuru ili waonekane wanafanya kazi.

"Hii ni kwa sababu usipolipa, unapaswa kupelekwa mahakamani," alisema.

Mama Ngina alidokeza kwamba masuala ya ushuru yanapaswa kushughulikiwa kupitia taratibu za kisheria zilizowekwa, ikihitajika, akisema kuwa mikutano ya hadhara haina nafasi katika masuala ya ushuru.

Alithubutu serikali kupiga mnada mali yake ili kulipa deni lolote la ushuru kama ni kweli kwamba amekuwa halipi kodi.