Mackenzie ni mtu mkarimu sana - mkewe Pasta Mackenzie afunguka

.Machoni pa umma, mhubiri mwenye utata Paul Mackenzie ni mshukiwa ambaye aliwahadaa mamia ya wafuasi wake kufunga hadi kufa katika msitu maarufu wa Shakahola.

Hata hivyo, kwa mke wa Mackenzie, Rhodah Maweu, dhamiri ya mume wake ni safi, na labda ni suala la muda tu—hata itachukua muda gani—atathibitishwa. Katika mahojiano ya kwanza kabisa na wanahabari,

Maweu alisema mumewe wa miaka minne hakuhusika katika vifo zaidi ya 429 vilivyoripotiwa huko Shakahola.

“Binafsi, nimemuuliza kuhusu (vifo) hivi vyote na amekuwa akisema hajawahi kuua mtu yeyote.

Kutoka kwa mdomo wake dhamiri yake ni safi," Maweu alisema. Akizungumza nje ya Mahakama ya Shanzu siku ya Jumatatu, Maweu, mama wa mtoto mmoja alieleza, Mackenzie kama mtu wa familia ambaye anasaidia sana familia yake, watoto na mama yake mzee.

“Yeye (Mackenzie) ana mama yake, familia na watoto, ambao wote wanamtegemea.

Hivi sasa, familia ina kiwewe sana, haswa baada ya hadithi hizi zote. Hatuwezi kupata msaada kutoka popote, labda tu kutoka kwa watu wa karibu wa familia.

Maweu ambaye alikataa kuweka wazi umri wake lakini akasema kwa sasa anakimbiza miaka 30, aliibuka kidedea baada ya kukamatwa Mei 2 mwaka huu, kwa madai kuwa alikuwa akiishi na Mackenzie huko Shakahola, ambako walisimamia vifo na maziko ya marehemu.

Mfuasi huyu wa kanisa la Good News International. Alikamatwa huko Mtwapa wiki mbili baada ya mumewe kukamatwa Aprili 15. Alikuwa na binti yake, ambaye sasa ana umri wa miaka mitatu.

Hata hivyo, baada ya siku 62 gerezani, Maweu aliachiliwa na Hakimu Mkuu Mwandamizi wa Shanzu Yusuf Shikanda kwa masharti ya bondi ya Sh400,000.

Katika uamuzi huo wa Julai 3, Shikanda alisema serikali imeshindwa kuthibitisha kwa nini Maweu aendelee kushikiliwa na mumewe na washtakiwa wengine.

Alisema ilitajwa tu kwamba Maweu anaaminika kuwa anaishi na Mackenzie huko Shakahola. "Hakuna madai kwamba alihusika katika vitendo vyovyote vilivyokaguliwa.

Mackenzie na washukiwa wengine 27 bado wanazuiliwa katika vituo vya magereza huko Mombasa, Malindi na Kilifi, na serikali Jumatatu iliomba kuendelea kuwashikilia kwa miezi sita zaidi.

Mahakama ya Shanzu inatarajiwa kutoa uamuzi kuhusu ombi hili jipya la kuongezwa kwa muda wa kizuizini mnamo Oktoba 12.

Maweu kwa mara ya kwanza amezungumzia uhusiano wake na Mackenzie na misukosuko ambayo wamepitia wakiwa familia kwa muda wa miezi mitano iliyopita.

Katika mahojiano na gazeti la Star, Maweu alisema alikutana na Mackenzie jijini Nairobi mnamo 2019, miezi michache tu kabla ya mhubiri huyo mzozo kufunga kanisa lake katika mji wa Malindi na kuhamia msitu wa Shakahola kuanza ukulima.

Wake wa kwanza na wa pili wa Mackenzie walikufa miaka kadhaa nyuma na kuzikwa huko Malindi. Waliacha watoto sita.