Manchester United imemteua Erik ten Hag kama meneja wa kikosi cha kwanza cha wanaume, kwa kutegemea mahitaji ya viza ya kazi, kuanzia mwisho wa msimu huu hadi Juni 2025, kukiwa na nafasi ya kuongeza mwaka mmoja zaidi.
Mkurugenzi wa Soka John Murtough katika kipindi cha miaka minne akiwa Ajax, Erik amejidhihirisha kuwa mmoja wa makocha wa kusisimua na wenye mafanikio barani Ulaya.
"...umaarufu kwa timu yake ya soka ya kuvutia, ya kushambulia na kujituma kwa vijana," alisema. "
Katika mazungumzo yetu na Erik kuelekea uteuzi huu, tulifurahishwa sana na maono yake ya muda mrefu ya kuirejesha Manchester United katika kiwango tunachotaka kushindana nacho, na ari yake na dhamira yake kufikia hilo."
Murtough alimtakia Erik kila la heri anapoangazia kufikia mwisho mwema wa msimu huko Ajax na anatazamia kumkaribisha Manchester United msimu huu wa joto.
Baada ya uteuzi huo, Erik ten Hag alisema ni heshima kubwa kuteuliwa.
“...na ninafurahishwa sana na changamoto iliyo mbele yetu. Ninajua historia ya klabu hii kubwa na mapenzi ya mashabiki, na nimedhamiria kabisa kuendeleza timu yenye uwezo wa kuleta mafanikio yanayostahili," alisema.
"Itakuwa vigumu kuondoka Ajax baada ya miaka hii ya ajabu, na ninaweza kuwahakikishia mashabiki wetu juu ya kujitolea kwangu kamili na kuzingatia kukamilisha msimu huu kabla ya kuhamia Manchester United,"aliongeza.