Msimamizi wa VAR 'aliyeibia' Newcastle kwa kuwapa PSG penalti ya utata asimamishwa
Hatua hiyo inaonyesha kuwa afisa huyo wa Poland ameadhibiwa kwa uamuzi uliopelekea Kylian Mbappé kusawazisha katika dakika ya nane ya muda ulioongezwa kwenye Uwanja wa Parc des Princes.
• Kwiatowski ni mwamuzi mwenye uzoefu mkubwa ambaye alicheza majukumu ya VAR kwenye fainali ya Kombe la Dunia mwaka jana,.
Msimamizi wa VAR ambaye alipendekeza penalti ya kutatanisha iliyoinyima Newcastle ushindi dhidi ya Paris St-Germain kwenye Ligi ya Mabingwa amepokonywa majukumu ya kusimamia mechi inayofuata.
Tomasz Kwiatkowski ameambiwa na UEFA kwamba hatasimamia majukumu ya waamuzi wa VAR kwenye mechi ya Kundi D ya Ligi ya Klabu Bingwa Ulaya kati ya Real Sociedad na Red Bull Salzburg.
Hatua hiyo inaonyesha kuwa afisa huyo wa Poland ameadhibiwa kwa uamuzi uliopelekea Kylian Mbappé kusawazisha katika dakika ya nane ya muda ulioongezwa kwenye Uwanja wa Parc des Princes.
Kwiatowski ni mwamuzi mwenye uzoefu mkubwa ambaye alicheza majukumu ya VAR kwenye fainali ya Kombe la Dunia mwaka jana, sehemu ya timu iliyosimamia mechi ya Jumanne usiku.
Ana uhusiano wa karibu wa kufanya kazi na mwamuzi Szymon Marciniak.
Newcastle walikuwa wakikaribia kupata ushindi muhimu wa ugenini wakati mpira ulipogonga mkono wa Tino Livramento.
Mpira huo uligonga mkono wa Livramento baada ya kutoka kifuani mwake na tukio hilo lilipungiwa mkono na Marciniak. Mwamuzi alisimamisha mchezo muda mfupi baadaye na, baada ya mawasiliano na Kwiatowski, alikwenda kwa mfuatiliaji wa VAR kabla ya kutoa mkwaju wa penalti.
Meneja wa Newcastle, Eddie Howe, alisema: "Haukuwa uamuzi sahihi kwa maoni yangu. Kuna mambo mengi ya kuzingatia wakati huo, kasi kwanza.”
"Ilikuwa ricochet ambayo inapopunguzwa inaonekana tofauti kabisa na tukio la moja kwa moja. Mpira ulipiga kifua chake kwanza, kabla ya kupiga mkono wake. Lakini mkono wake hauko katika hali isiyo ya kawaida, upo chini kando yake lakini yuko katika mwendo wa kukimbia. Ninahisi ni uamuzi mbaya na unakatisha tamaa sana kwetu."
Kulikuwa na maoni makali zaidi kutoka kwa wachambuzi, ikiwa ni pamoja na gwiji wa Newcastle Alan Shearer, ambaye aliita uamuzi huo "uchukizo".
Tafsiri iliyowekwa kwenye matukio ilikuwa kwamba Kwiatowski alikuwa amesisitiza juu ya tafsiri kali ya sheria ya mpira wa mikono.
VAR inapaswa kuingilia kati maamuzi ya mwamuzi ikiwa tu wanahisi kwamba kosa "la wazi na dhahiri" limefanywa na wengi waliotazama mechi hawakuhisi kuwa hilo lilitumika. Inaonekana Uefa wana nia moja.