Pep Guardiola anatarajiwa kuondoka Man City mwishoni mwa msimu ujao
Guardiola anatarajia kukisuka upya kikosi chake mara ya mwisho baada ya kushindwa katika fainali ya Kombe la FA.
•Kulingana na ripoti za gazeti la 'The Daily Mail' ,Guardiola anatarjiwa kuondoka mwishoni mwa msimu ujao
•Ametawala Ligi kuu ya Uingereza tangu ajiunge na City mwaka 2016, na kushinda mataji sita ya ligi, ligi ya mabingwa kombe la klabu la dunia pamoja na vikombe vinne vya FA.
Pep Guardiola anatarajiwa kuondoka Manchester City mwishoni mwa msimu ujao, kulingana na ripoti za gazeti la 'The Sun'.
Guardiola amekuwa City tangu 2016 na amefurahia kipindi cha ubabe katika ligi kuu ya Uingereza, mafanikio ambayo yalifikiwa tu na Sir Alex Ferguson, kama vile kushinda mataji matatu almaarufu 'treble'.
Katika misimu minane kama kocha wa City, Guardiola ameshinda mataji sita ya ligi pamoja na vikombe viwili vya FA, vikombe vinne vya Ligi na Ligi ya Mabingwa. Mkataba wa sasa wa Guardiola huko Etihad unamalizika baada ya msimu wa 2024-25, na gazeti la Daily Mail linasema kuna uwezekano mkubwa wa kutosaini mkataba mpya, licha ya nia ya klabu kutaka kubaki naye.
Inaripotiwa kuwa Michel, meneja wa Girona inayomilikiwa na City Football Group, anaweza kuchukuliwa kuchukua nafasi ya Guardiola, huku Julian Nagelsmann na Xabi Alonso wakitajwa kuwa watarajiwa. Roberto De Zerbi anavutiwa na Guardiola, ingawa haijabainika ni kiasi gani cha usemi wa mhispania huyo kuhusu utambulisho wa mrithi wake.
Habari za uwezekano wa kuondoka kwa Guardiola zinaweza kuzipa timu nyingine shuti mkononi kutokana na jinsi timu yake ya City ilivyotawala katika miaka ya hivi karibuni. City wameshinda taji la Primia katika misimu sita kati ya saba iliyopita, huku Liverpool ya Jurgen Klopp pekee ndiyo iliyotwaa taji katika kipindi hicho.
Kabla ya kujiunga na City, muda mrefu zaidi ambao Guardiola aliwahi kuutumia kuisimamia klabu moja ilikuwa miaka minne. Kiungo huyo wa zamani alikuwa Barcelona kati ya 2008 na 2012, kabla ya kukaa miaka mitatu Bayern Munich kati ya 2013 na 2016.