23 March 2022 1 Min Read

Chama cha UPIA chaidhinisha rasmi azma ya Raila ya urais

In Summary
  • Chama cha UPIA kilijiunga na Azimio baada ya kutia saini mkataba wa muungano na chama cha Jubilee
by Grace Muia Uchaguzi 2022
Kiongozi wa Chama cha ODM na mgombea Urais wa Azimio la Umoja Raila Odinga akiwa na mwenzake wa UPIA Ukur Yattani wakati wa chama cha NDC katika ukumbi wa Bomas of Kenya mnamo Machi.
Image: Enos Teche

Raila Odinga Jumatano alihudhuria Kongamano la Kitaifa la Wajumbe wa chama cha UPIA katika Ukumbi wa Bomas.

Mkutano huo wa NDC uliandaliwa ili kuidhinisha makubaliano ya muungano wa chama hicho na Azimio na kuidhinisha rasmi azma ya Raila ya urais.

Chama cha UPIA kilijiunga na Azimio baada ya kutia saini mkataba wa muungano na chama cha Jubilee.

Raila alitoa wito kwa wajumbe waliokuwepo kwenye hafla hiyo kuunga mkono azma yake ya urais kabla ya uchaguzi wa Agosti 9.

Raila alisema ajenda kuu ya Azimio ni kuwapa Wakenya uongozi mbadala ambao hauna matatizo ya kijamii na kiuchumi.

"Watu wengi wanataka maisha bora lakini hawana mbadala. Tunaweza kubadilisha hilo," Raila alisema.

Mwaniaji huyo wa urais wa Azimio alisema Wakenya wanakabiliwa na maadui watatu wakuu; maradhi, ujinga na umaskini.

“Tunataka kubadili maisha ya watu wetu ili hata wakati wa ukame wapate chakula,” alisema.

Kiongozi wa chama cha UPIA Katibu wa Baraza la Mawaziri wa Hazina Ukur Yatani alisema mnamo Februari kwamba Chama kimefaulu kusukuma eneo la Kaskazini Mashariki nyuma ya Raila na kupunguza uwezekano wa vyama vingine vya kisiasa ambavyo havihusiani navuguvugu la Azimio.

 

View Comments