"Ujauzito unafaa kubebwa miezi 24" Mwanasoshalaiti Vera Sidika adai anafurahia kuwa mjamzito

Mwanasoshalaiti Vera Sidika amedai kwamba hana majuto yoyote kwa kukubali kubeba ujauzito wake wa kwanza.

Mpenzi huyo wa mwanamuziki Brown Mauzo amesema kwamba anafurahia sana kubeba ujauzito huku akidai kuwa angependa kupata mwingine punde baada ya kujifungua kifungua mimba chake.

Kupitia ukurasa wake wa Instagram, Vera amesem kuwa bado hajachoshwa na kipindi cha miezi tisa ambacho amekuwa mjamzito na kudai kuwa angependa ujauzito uwe unachukua kipindi kirefu zaidi.

"Eti watu wamechoshwa na ujauzito wangu na sio wao ambao wamenibebea. Wankunywa panadol wakati mimi ndiye naumwa na kichwa. Mimi sijachoka. Kwa kweli ujauzito unafaakuchukua miezi 24. Miezi tisa ni kidogo sana kwangu" Vera aliandika.

Mama huyo mtarajiwa amesema kuwa amefurahia sana kubeba ujauzito na kudai kuwa anaweza amua kuwa mjamzito kila mwaka.

Vera amewasuta sana wanamitandao ambao wamekuwa wakimwambia kuwa wamechoshwa na ujauzito wake na kuwataka wazoee kumuona katika hali ile.

"Nafurahia kuwa mjamzito. Ndio maana nataka kupata mwingine baada ya binti yangu kuja. Inshallah. Kama unafikiria umechoka, hujaona kitu bado. Naweza amua kuwa mjamzito kila mwaka. Heri uanze kujifunza kukubali ama ufunge macho, ublock, uache kunifuata, unifute. n.k" Vera alisema.

Kulingana na Vera, safari ya ujauzito haifai kuwa ya kuchosha. 

Mwanasoshalaiti huyo mwenye umri wa miaka 31 amedai kuwa mwanamke anafaa kufurahia safari hiyo bila vikwazo vyovyote.

"Ujauzito haufai kuwa jambo la kuchosha. Mimi nitajipamba!! Nitavaa vizuri, nijipondoe, nicheke, nicheze densi, nikimbie na nishukuru Mungu kwa kunipa uhai" Alisema Vera.