• Sepetu alidokeza kuwa hajakata tamaa kupata mtoto.
• Alieleza pia kuwa angependa kupata mtoto wa kiume.
Muigizaji mashuhuri nchini Tanzania Wema Sepetu amekanusha madai ya kuwa na mimba.
Mwanamitindo huyo alisema kwamba hata kama angekuwa mjamzito hangetangazia dunia.
"Sina mimba. Hata nikipata mimba, unadhani nitalizungumzia? Kama vile Mungu anaposema, 'Nibariki tumbo lako' kisha nipate mimba, sitakuambia. Lakini natamani kuwa mjamzito tuseme Inshallah", aliandika kwenye Instastories.
Aliongeza kuwa alihitaji mtoto wa kiume. "Na hapo itakuwa bora zaidi ikiwa ni mtoto wa kiume anayefanana na mama yake."
Mwaka jana, Sepetu na mpenzi wake Whozu walifichua kwamba alipata mimba.
“Wema alikuwa mjamzito mwezi Agosti, ilipofika takribani miezi mitatu tuligombana na nusura tuachane, mimi ndiye niliyekuwa kwenye makosa na nilimkasirikia Wema na kushindwa kumsikiliza, nilitamani kuachana naye tu." Whozu alieleza.
"Sikujua kwamba hiyo ingeathiri ujauzito. Sikuwa muungwana, nampenda na nilihisi ameniumiza." Aliongeza.
"Aliomba nimsamehe na sikuweza kusikiliza. Nilipewa taarifa kwamba alikuwa ametoa mimba...Ananitumia ujumbe akisema 'Hicho ndicho ulichotaka, una furaha?' Nilihisi kuchanganyikiwa na alilia sana." "Nilijiuliza maswali mengi. Nilijuta."
Kwa upande mwingine Sepetu alidokeza kuwa hajakata tamaa ya kutafuta mtoto. Aliongeza kuwa madaktari walimshauri kujiepusha na msongo wa mawazo na kupumzika.
“Tunapogombana inakaa kati yetu na hatupendi kuiweka hadharani, sitaki kuwashirikisha watu katika mambo mengi yanayotokea katika maisha yetu, tunapenda kuona watu wanatuona tunapendana. Mengine lakini tuwekee matatizo sisi wenyewe."