Staa wa Dancehall Vybz Kartel kutoka Jamaica na wawili kati ya washtakiwa wenzake watatu wanatarajiwa kufahamu leo, Mei 30 iwapo wataachiliwa kutoka rumande huku wakisubiri uamuzi wa pili katika kesi ya mauaji kutolewa katika Mahakama ya Rufaa.
Uamuzi wa kesi ya kesi ya ulinzi dhidi ya kifungo kisicho halali ya mwimbaji huyo unatarajiwa kutolewa hivi leo mwendo wa saa nane mchana saa za Jamaika (saa nne usiku saa za Afrika Mashariki) katika Mahakama ya Juu ya Jamaica mjini Kingston.
Uamuzi huo utatolewa na Jaji Andreas Thomas na unafuatia hitimisho la hoja zilizotolewa mahakamani na upande wa utetezi na upande wa mashtaka siku ya Jumatano.
Mawakili wanaomwakilisha Kartel na washtakiwa wenzake wawili kati ya watatu waliwasilisha ombi la kuzuiliwa dhidi ya kifungo kisicho halali wakitaka waachiliwe siku ya Jumatatu, Mei 14 kwa sababu ya masuala ambayo upande wa utetezi haukutaka kufichua.
Mawasilisho ya kutaka kuachiliwa kwa Kartel, ambaye jina lake ni Addija Palmer, Shawn 'Shawn Storm' Campbell, na Andre St John yalisikilizwa mbele ya Jaji Andrea Thomas katika Mahakama ya Juu mnamo Mei 29.
Mawasilisho hayo hayakuhusiana na mshtakiwa mwenza wa nne, Kahira Jones, ambaye inasemekana ana kesi nyingine mbele ya mahakama.
"Kutakuwa na hukumu yangu iliyoandikwa kesho (Alhamisi)," Jaji Thomas alisema Jumatano.
Ombi hilo linafuatia uamuzi wa Baraza la Waamuzi mnamo Alhamisi, Machi 14 kwamba Kartel na washtakiwa wenzake waondolewe mashtaka ya mauaji ya Clive ‘Lizard’ Williams yaliyodaiwa kutokea mwaka wa 2011.
Baraza lilikuwa limeamuru kesi hiyo irudishwe katika Mahakama ya Rufaa ya Jamaica ili kuamua ikiwa kesi hiyo ni muhimu kwa Kartel na washtakiwa wenzake Shawn ‘Shawn Storm’ Campbell, Kahira Jones, na Andre St John.
