"Nilitamani daktari anidunge sindano ya kunizima kabisa" Akothee afunguka alivyopambana na ugonjwa mbaya

Mwanamuziki na mjasiriamali Esther Akoth, almaarufu Akothee amewakosoa Wakenya kwa kutojali jinsi wanavyowahukumu watu maarufu.

Katika taarifa yake Ijumaa jioni, mama huyo wa watoto watano alibainisha kwamba yeye ni mwathirika mkubwa wa kuhukumiwa bila kujali. Alizungumza kuhusu picha yake na Nelly Oaks ambayo ilipigwa takriban miaka mitatu iliyopita, ambayo kulingana na yeye, watu wamekuwa wakiiona kwa mtazamo mbaya.

Msanii huyo mwenye umri wa miaka 43 alisema, tofauti na watu wengine wanavyofikiri, ukweli ni kwamba picha hiyo ilipigwa alipokuwa akipambana na ugonjwa mbaya ambao karibu uchukue maisha yake na meneja wake Nelly Oaks alikuwa akimsaidia katika mchakato wa uponyaji.

"Unaweza kufanya picha hii kuwa ya kimapenzi kwa sababu ya kilicho nyuma na kile kilicho akilini mwako. Hata hivyo, kwetu sisi, picha hii inatukumbusha ushindi—safari ya mwanamke ambaye alikataa kukata tamaa mwaka wa 2021, mwanamke ambaye alikataa kufa,” Akothee aliandika hapa chini picha iliyomwonyesha yeye na Nelly Oaks kwenye bwawa la kuogelea.

Aliongeza, "Picha hii ilipigwa nilipokuwa katikati ya ulimwengu wangu unaosambaratika. Tulikuwa tumefanya ziara kadhaa za hospitali ambazo nilitamani daktari anidunge sindano ya milele ambayo inaweza kunizima kabisa. Tulikuwa tumetoka tu kutoka hospitalini baada ya kugunduliwa kuwa nina mishipa iliyobanwa na sikuweza kufanya mapenzi, sembuse kufikiria juu yake. Nilitakiwa kufanyiwa upasuaji ambao ungenifanya niingie kwenye kiti cha magurudumu. Upande mmoja wa mwili wangu ulikaribia kupooza, ikabidi Nelly afanye kila kitu kunirejesha kwenye uhai. Sikujua, pia nilikuwa nimeshuka moyo sana.”

Kufuatia hayo, mama huyo wa watoto watano amewataka Wakenya kuwa na akili safi na kuacha kufikiria kuwa kila kitu kinahusu ngono kila mara.

“ Ni makosa, na niamini, nikipata picha hii kwenye ukurasa wako ikiwa na maandishi ya kushangaza, jiulize kwa nini hutuoni kwenye blogu tena. Lazima nisafishe na kudhibiti taswira yangu,” alisema.

Pia alisisitiza kujitolea kwake katika mahusiano na mpenzi wake Nelly Oaks na akawapuuza  wengine wote..