Harmonize anataka mahusiano na msichana wa Kiislamu

Mwanamuziki wa Tanzania Harmonize amekiri kuwa anataka kuingia kwenye mahusiano na mwanamke ambaye ana imani ya dini ya Kiislamu na wala si Mkiristo.

Msanii huyo amefichua hayo Jumanne mchana kwenye ukurasa wake wa Instagram ambapo amesema kuwa wasichana wa Kikristo ndio wanavutiwa zaidi naye.

Harmonize amesema kuwa amegundua kwamba katika maisha yake, hajawai kuwa na mahusiano ya kweli na binti wa Kiislamu .

“Yani leo ndio nimegundua sijawahi kuwa in serious relationship na binti yeyote wa Kiislamu maisha yangu yote!!!” Alisema Harmonize.

Msanii huyo anayemiliki lebo ya Konde Music Worldwide anaamini kuwa huenda mwanamke atakayemwoa anatoka dini ya Kiislamu akitaka mashabiki kumsaidia kupata msichana wa Kisslamu anayeweza kuingia kwenye mahusiano naye.

Msanii huyo amekuwa kwenye mahusiano kadhaa wa kadhaa yote yakiishia kuvunjika kabla ya kuingia rasmi kwenye ndoa.

Mwezi Oktoba, Rajab Abdul Kahali maarufu kama Harmonize alidhibitisha kuwachana na mpenzi wake ambaye ni shoshalaiti Poshy Queen akisema kwamba kile alichoweka wazi kwa umma lazima atangaze kuwa wamewachana kwa umma vile vile.

Kabla ya kuwa kwenye uhusiano wa mapenzina Poshy Queen, msanii huyo awali alikuwa kwenye mahusiano na Kajala ambapo pia mahaba hayo hayakudumu.

Ila, Harmonize ametoa sharti kuwa lazima msichana wa Kiislamu atakayempata awe amefungasha mashine.