Mwijaku: Harmonize anajua Kuimba si kama Diamond anaiba nyimbo za watu

Mtangazaji mwenye utata kutoka nchini Tanzania, Mwijaku ameibua madai mengine dhidi ya Diamond huku akimteteac Harmonize kwa ubora wa kutunza mashairi ya muziki.

Mwijaku ambaye alikuwa anazungumza na wanablogu alisema kwamba anatambua fika Harmonzie ana ubora wa kiwango kilochotukuka katika kuandika mashairi ya muziki ila ana tatizo moja la kile alichokiita laana.

Alisema kwamba  msanii huyo kutoka lebo ya Konde Gang ana weledi mkubwa sana lakini pia na kipaji kilichokubuhu katika kuandika vesi nzuri zenye mnato wa aina yake lakini kuna laana inayozidi kumtafuta – ile ya kutembea na Paula ambaye sasa ni binti yake wa kambo.

Alimshauri kwamba kama anataka nyota yake ya kimuziki iendelee kung’aa basi ni sharti aende kwenye matabahu na kutubu dhambi yake ili azidi kukwea kimuziki.

Alisema kwamba Harmonize anakuja wa pili katika wasanii bora wanaoandika mashairi ya kuvutia.

“Hakuta wasanii wanaoandika Tanzania, yaani ukimtoa Alikiba anayefuata ni Harmonize. Anajua sana kuandika mashairi yake, tatizo lake moja ni laana. Hakuna mtu aliyetembea na kuku na mayai yake akaishi salama. Huwezi kutembea na mtoto na mama wote, huwezi kufanya hivo ukafanikiwa,” Mwijaku alisema.

Aliwashauri washikadau katika muziki wanaotaka kuwekeza kweney msanii basi wamchague Harmonize ila kabla ya kuwekeza kwake kwanza wamshauri kumpeleka mskitini kwa ajili ya kutubu.

“Ni msanii ambaye anajua kuimba. Kama unataka kuwekeza wekeza pale ila kwanza mpeleke mskitini. Harmonize anajua sana kuimba, mimi nimezunguka mikoa kadhaa, ana nafasi yake katika jamii, lakini tatizo laana” Mwijaku alishauri.

Pia alimuingilia Diamond na kusema kwamba yeye hana lolote kando kuimba nyimbo za watu.