Kate Actress amesherehekea bintiye

Muigizaji Kate Actress amemsherehekea bintiye, Njeri leo anapofikisha miaka mitatu tangu kuzaliwa.

Kwenye Instagram, Kate alimwandikia bintiye ujumbe wa kumtaki heri ya kuzaliwa na kupakia picha zake.

"Ni siku ya Njeri! Heri ya kuzaliwa mpenzi wangu. Kile ambacho husemwa kuhusu tufaha na mti. Ni binti wa mama yake, tabia kama zake! Heri ya kuzaliwa binti yangu, roho yangu, rafiki yangu," Kate aliandika.

Mama huyo alizidi kujivunia binti yake kwa kupakia picha mbalimbali ambazo alipigwa kwa ajili ya siku hii.

"Umejuaje Kate ni mama yangu? Umenichizisha Njeri. Asante kwa kunichagua. Bosi wangu mdogo wa kike," muigizaji huyo alisema.

Mumewe Kate pia hakusita kumsherehekea binti yao kwa ujumbe na kumshukuru mkewe kwa kumlea.

"Malkia wangu amefikisha miaka 3🎉🎉🎉🥳🥳🥳. Miaka 3 nimejifunza kujitolea kutoka kwako. Zaidi ya miaka 100 Njeri🥂. Kate Actress, asante kwa kumlea binti yetu," Phil Director alisema.

Muigizaji huyo amebarikiwa na watoto wawili, wa kike na wa kiume, ambapo wa kiume alifikisha miaka 16 mwezi wa Julai.

Kate alichukua fursa hio kumsherehekea mwanawe kwa ujumbe mrefu hukua akimtakia heri ya kuzaliwa.

"Kheri za siku ya kuzaliwa mwanangu, nina mengi ya kusema lakini najua ulisema hakuna jumbe ndefu na picha za aibu. Nitaheshimu hilo, wewe mtu mzima mwenye ndevu mbili .Wewe ni motisha wangu toka siku ya kwanza , natumai nimetimiza ahadi zangu kwako , nakupenda sana na ninajivunia wewe hadi sasa 🤗🙏🏽 . Sasa naomba uende maji nyasi ukimaliza osha mabati,," Kate aliandika kwenye ukurasa wake wa Instagram.