Mwanawe Nameless awasuta waliomkejeli mamake kwa ajili ya mwili wake

Tumiso Mathenge, bintiye wanandoa mashuhuri Nameless na Wahu, amejitokeza kumtetea mamake baada ya baadhi ya mashabiki kumuaibisha mtandaoni.

Katika chapisho la mitandao ya kijamii, Tumi alishangaa ni kwa nini baadhi ya watu, hasa wanawake, wanamtia aibu mamake, miezi kadhaa baada ya kujifungua binti yake wa tatu.

Tumi alisema watu wanapaswa kuelewa kwamba Wahu alikuwa na mtoto tu, hivyo basi mabadiliko hayo, na yanapaswa kumpa mapumziko.

"Ninasikitisha sana kwamba ni wanawake ambao wanazungumza juu ya mwili wake. Kusema kweli (mimi) nilitarajia bora kutoka kwetu na alikuwa na mtoto tu. Nyie mnahitaji kukua kweli kweli,” Tumiso alisema katika ukurasa wake wa instagram

Aibu hiyo inakuja baada ya Wahu kushiriki picha yake akitoa maoni wakati wa mkutano uliofanyika na Kamati ya Kiufundi ya Talanta Hela aliyoteuliwa hivi majuzi.

Wahu alikuwa miongoni mwa watu mashuhuri walioteuliwa kwenye kamati hiyo.

Wengine ni pamoja na Daniel Ndambuki, almaarufu Churchill, Azziad Nasenya, Jimi Gathu, Mwigizaji Kate na mwanamuziki Akothee.