• Charlene Ruto alidokeza kwamab alikuwa ameshiriki masomo hayo kwa kipindi cha miezi mitatu.
Binti wa kwanza wa taifa Charlene Ruto ni mwenye furaha baada ya kufuzu kwa masomo ya astashahada katika kitivo cha lugha ya ishara.
Binti Ruto kupitia ukurasa wake rasmi wa X, awai ukijulikana kama Twitter alipakia msururu wa picha akiwa ameangaza kwa tabasamu pana katika panda la uso huku akiwa ameshika maua kama ishara ya kushereheka.
Charlene Ruto alidokeza kwamab alikuwa ameshiriki masomo hayo kwa kipindi cha miezi mitatu.
“Baada ya miezi 3 ya kusoma Lugha ya Ishara ya Kenya (maarufu kama KSL) kama kozi ya msingi, hatimaye nilihitimu na cheti changu!” alisema.
“Sikuweza kujivunia zaidi yangu! Nilipokutana na Babelyn Mukila mapema mwaka huu na aliwasiliana nami kupitia KSL pekee na ilizua shauku yangu si tu katika lugha bali zaidi kwa vijana Viziwi, jumuiya ya Viziwi na utamaduni wa Viziwi. Nimekuja kukuza shauku na upendo kama huu kwa Viziwi,” aliongeza binti Ruto.
Mrembo huyo mwenye jitihada katika masuala mbali mbali alisema kwamba kujifunza kozi ya kuwasiliana na viziwi ilimpa nafasi ya kufungua wigo wa fikira zake jambo ambalo hakuwa analitarajia.
“Kujifunza KSL kulifanya sehemu ya ubongo wangu ambayo sikuwahi kujua nilikuwa nayo hapo awali, ilijaribu uvumilivu wangu na nidhamu na kuninyoosha,” alisema.
Aliwashukuru walimu wote waliohakikisha muda wake wa miezi mitatu katika kozi hiyo haukumfanya kujutia huku akiwataja kwa majina.
“Shukrani zangu za dhati kwa Youla Nzale, kwa kuniandalia masomo yangu, mwalimu wangu Rosemary Indeche aliyenifundisha kwa uvumilivu kama huu, Mtahini wangu Washington Akaranga, Leakey Nyabaro, @NickTolina, @BabelynnMukila, Baraza Joseph, Benson Kariuki na Vijana wengine wengi Viziwi ambao mara kwa mara walinisaidia kufanya mazoezi,” alishukuru.
Mrembo huyo alidokeza kwamba tayari amejisajili katika ngazi ya juu katika masomo ya lugha za ishara.