Mataifa 10 yanayoongoza kwa uhalifu wa mitandaoni, Kenya ni miongoni mwao

Kenya imemwulikwa sana kutokana na kuripoti  visa vingi vya udukuzi wa mitambo ya tarakilishi pamoja na wizi wa pesa kwenye mashine za ATM mwaka huu, idadi ya visa hivyo ikiwa takribani vitano jambo linalosemekana kuendelezwa na  wahalifu wa mitandao.

Wezi stadi wamefanikiwa kutoroka na mamilioni ya fedha kwa kudukua mashine za ATM. Udukuzi huu unajumuisha kueneza programu kwenye mitambo ya pesa na kusababisha kutoa kiasi kikubwa cha hela kwa mkupuo moja.

ATANISHO: Mume Wangu Atafute Mke Kutoka Coast Watusiane!

Akizungumza katika kongamano la uslama wa kimitandao na matumizi ya intaneti, Waziri wa usalama wa ndani Fred Matiang’i alisema kwamba kumekuwa na ongezeko la visa vya uhalifu mitandaoni, visa vya ulaghai kutoka watu bandia mtandaoni, usambasaji wa programu hasidi kwenye intaneti, udukuzi, na wizi wa kimitandaoni.

Visa hivi vimeweka Kenya katika ngazi ya juu kutokana na utovu wa usalama wa mitandaoni.

Kampuni  inayotoa huduma za kudhibiti programu hasidi Kaspersky Security Network (IT Threat Evolution Quarter Two 2019) imeorodhesha taifa la Kenya kuwa miongoni mwa mataifa 10 yanayokabiliwa na athari hiyo.

Iran inaongoza kwa asilimia 28.31, ikifuatwa na Bangladesh kwa silimia 28.1 huku Kenya ikiwa nambari 10 kwa asilimia 15.38.

Hii hapa ni orodha ya nchi zilizoripotiwa kuwa na utovu wa usalama kwenye mitandao.

Makali Ya Matiang’i: Maafisa Wawili Wasimamishwa Kazi Kwa Madai Ya Ufisadi

 

Asilimia

Nchi  %
1 Iran 28.31
2 Bangladesh 28.10
3 Algeria 24.77
4 Pakistan 24.00
5 Tanzania 23.07
6 Nigeria 22.69
7 India 21.65
8 Indonesia 18.13
9 Sri Lanka 15.96
10 Kenya 15.38

Zaidi ya visa milioni 26.6 viliripotiwa kati ya Aprili na Juni mwaka huu kulingana na  Kituo cha Kitaifa cha kudhibiti visa vya mitandaoni.

Afisa wa polisi anayetumia mbinu ya kipekee kukabili uhalifu Githurai

Tume ya huduma ya polisi kwa taifa hupendwa na wakati mwingine hukemewa kutokana na jinsi inavyoshughulikia ongezeko la uhalifu nchini.

Katika eneo la Githurai Nairobi tunapatana na Inspekta wa polisi Caroline Njuguna ambaye anasimamia kitengo cha makosa ya uhalifu katika kituo cha polisi eneo la Githurai.

Githurai ni eneo ambalo polisi wanasema kwamba kila siku kesi ya mauaji, uporaji wa mali, au kutekwa nyara kwa raia huripotiwa.

Jowie Kusalia Tena Gerezani Krismasi Hii, Hatma Ya Kesi Yake Kubainika Mwakani

Licha ya kwamba eneo hilo linasemekana kuwa hatari sana kwa usalama kutokana na visa vingi vya uhalifu vinavyoripotiwa, Njuguna ameamua kutumia mbinu mpya kuukabili.

Kwa wakati moja alipatana na vijana wanaotumia dawa za kulevya na kujiingiza na visa vya uhalifu.

 

 

Caroline njuguna with colleagues-compressed

Hali ya vijana hao ilimgusa moyoni Njuguna na akaamua kuwatoa katika hali hiyo hatari.

Yeye anasema kituo chake kina askari wasiozidi 100, huku eneo hilo lina wakaazi zaidi ya 800,000. Hii huwa changamoto kubwa sana kudhibiti misururu ya kesi zinazoibuka kila siku.

Njuguna anajikita sana katika njia za kuzuia uhalifu badala ya adhabu.

Sijui Mlienda Meeting Gani Na Dad Ukasema Twa Twa – Mwanawe Pastor Susan

“Kuwafungulia kesi wahalifu mahakamani si njia mwafaka ya kudhibiti, bali tunahitaji njia za kuwapa vijana wasio na kazi kitu mbadala cha kufanya wakiwa bila kazi,” alisema.

Kwa sasa amewajumuisha maafisa wenzake katika kueneza kampeni inayojiita “Boots and Brains”.

Lengo la kampeni hii ni kuhusisha jamii katika kuzuia uhalifu katika jamii na uraibu wa dawa za kulevya.

Tangu mwanzo mwa mwaka huu, Njuguna anasema wamezuru shule zote za umma katika eneo la Githurai na Kimbo na wanatazamia kuzuru shule zote eneo hilo.

Naibu OCPD wa Ruiru Edward Ndirangu anasema kwamba maafisa wanafurahishwa na juhudi zake ambazo zinaonekana kufaulu.

PATANISHO: Mume Wangu Aliniambia Nitaendea Kifo Krisimasi

 

Je, wajua Papa Francis wakati moja alikuwa Bouncer kilabuni?

Papa Francis alichaguliwa mnamo Machi 2013 katika kanisa la kikatoliki baada ya Papa Benedict XVI kustaafu.

Yeye ni Papa wa 266 nchini Roma kushikilia uongozi katika kanisa hilo.

Ila kile watu wengi hawajui ni kwamba jina rasmi la Papa Francis ni Jorge Mario Bergoglio.

Vurugu, ghasia zashuhudiwa Sonko akijiwasilisha kwa EACC

Aidha, kabla ya kujiunga na kanisa hilo la Kikatoliki alipitia maisha magumu sana. Alilelewa katika mazingira  yenye changamoto tele. Wazazi wake walihama na kutoroka dhuluma za kiongozi Benito Mussolini.

Na ili kujikimu, ilimbidi Papa Francis kufanya kazi kuwa bawabu wa usiku katika baa moja kwa takribani mwaka nchini Buenos Aires..

Na wakati wa mchana alifanya kazi za usafi katika baa hiyo. Ni vigumu kuamini, ila mja hupata ajaliwalicho silo atakalo.

Rais Kenyatta Aonya Dhidi Ya Kukwepa Kulipa Ushuru

Yaani hata Kamami! Tazama picha za mpango wa kando wa Terence Creative

Kupitia mitandao ya kijamii ni wazi kuwa mcheshi Terence Creative ajulikanaye sana kama Kamami ana mpango wa kando na ata amekubali madai ya kuenda nje ya ndoa.

Milly Chebby na mpenzi wake Kamami wamekuwa na misukosuko katika ndoa yao kwa sababu ya kidosho Anita ambaye ndiye mpango wa kando wa bwana Terence.

Baada ya aibu ya Terence kupatikana na mpango wa kando, bwana huyu kupitia mtandao wa kijamii amefungukua wazi na kusema wazi anavyo mpenda mke wake.

Binti ambaye ametia bwana Kamami kwenye aibu chungu nzima ni binti mwenye umri wa miaka 19.

Amini usiamini, mpango wa kando wa bwana Terence ana umri wa miak 19 na wakishirikiana, hawakuwa wanaona kama ni tatizo kwani wahenga walisema, mapenzi ni kipofu!

‘Nilimwagia mpango wa kando wa bwanangu acid,’ Afunguka Mercy

Zaidi ya hayo, hata ikiwa binti huyu amejitia aibu na kumfanya Terence aingie matatani, siwezi kumlaumu bwana Kamami kwani binti huyu Anita ni mrembo sana, yaaani katoto hodari .

Hebu tazama picha

 

Maeneo 10 Ya Kustaajabisha Yaliyo na Ulinzi Mkali Sana Duniani

Iwapo ushawajiuliza ni maeneo yapi yalio na ulinzi mkali sana ulimwenguni na kwa sababu gani basi hapa kuna orodha na maelezo ya swali hilo.

Kila kitu chochote cha thamani, chenye tishio la kuangamizwa  au kinachoadimika ulimwenguni kinahitaji kupewa ulinzi wa kila aina. Ifuatayo ni orodha ya maeneo hayo 10 pamoja na sababu za kupewa ulinzi mkali.

 

1. Area 51, Nevada Marekani

Hii ni sehemu ambayo ni  mafuruku kwa umma kukaribia.

Inaaminika kuwa na angatua ya kijeshi ya Edward ambayo imeangaziwa  sana kuwa yenye usiri mkubwa

Hii ni kwa kuwa yanayoendelea katika eneo hilo hayajawekwa hadharani.

Kutokana na usiri huu, umevutia watu wengi sana.

Ua wa makaazi hayo una sensa zinazonasa binadamu au kitu chochote kinachotembea au kukaribia eneo hilo.

Pia washika doria wenye silaha kali  huzunguka eneo hilo wakiwa imara kukabiliana na yeyote anayekaribia.

2018-03-24-AREA-51-752x440-1-300x176

 

2. Ngome ya Knox, Marekani

Ngome  hii inahifadhi akiba na hazina ya Marekani na miongoni mwa maeneo yanayolindwa sana duniani.

Fort Knox inalindwa sana wakati wowote na walinzi wenye silaha hatari.

Hakuna yeyote anayeruhusiwa mahali pale isipokuwa una mwaliko rasmi.

3. Ikulu ya White House, Marekani

Makao haya ya marais wa Marekani inabakia kuwa mojawapo ya majengo yanayolindwa zaidi ulimwenguni. Uzio wa chuma huzunguka  jengo hilo ambalo limejengwa na ukuta mpana sana.

Madirisha ya majengo hayo ya rais haupenyezi risasi  huku maafisa wa hali ya juu wa kijasusi huzingira na kuilnda makazi hayo kwa hali na mali.

Mzozo Wa Mali Waibuka Baina Ya Wajane Wanne Wa Jacob Juma

4.  Makavazi ya Kisiri ya Vatican, Italia

Kituo hiki ni cha kuhifadhi mali mali yenye thamani ya jadi, hati maalum ya kiserikali pamoja na leja muhimu kutoka kanisa la Kikatoliki.

Makavazi haya yalitengwa kutoka maktaba ya Vatican na umilizi wake na upokezi  huwa ni kutoka Papa Mtakatifu  mmoja hadi mwingine.

vatican-300x188

5. Federal Reserve Bank of New York

Hizi ni benki muhimu sana ulimwenguni.

Kuna benki 12 za Hifadhi ya Shirikisho zilizoko nchini Marekani.

Maeneo hayo yote hupewa ulinzi wa hali ya juu sana kutokana na kuwa sehemu muhimu ya kuhifadhi pato la taifa na uchumi wa taifa la Marekani.

Robotiki hutumika katika Hifadhi hii huku kikosi hatari ya jeshi wakilinda nje  na ndani ya jengo hilo.

6. Svalbard Global Seed Vault, Norway

La kustaajabisha ni kwamba eneo hili hulindwa kusudi alke likiwa ni kuhifadhi  sampuli  mbegu muhimu ya mimea na vyakula adimu.

Lengo la kulindwa kwa eneo hili ni kuhakisha kwamba vizazi vijavyo havitaangamizwa na baa la njaa.

16_SM_seed-300x200

7.  Mto Tumen 

Maeneo haya ya mto hutumika kama lango  kuu kati ya mataifa ya Uchina, Korea Kaskazini na Urusi.

Sababu ya kulindwa zaidi ni kuwazua wakimbizi au maharamia wanaongia China kupitia mto huu usio na maji mengi sana.

8. Granite Mountain Records Vault

Kanisa  la Yesu Kristo la Siku ya Agano Jipya linamiliki  rekodi na historia nyingi ya enzi za kale.

Jengo hili limejengwa futi kadhaa ndani ya Mlima wa Utah.

Mazingira na  hali ya hewa katika eneo hili hudhibitiwa na teknoljia hili kuzua hati na madaftari muhimu kuharibiwa na mabadiliko ya mazingira.

9.  Megesho ya MaGari ya Bold Lane

Magari huegeshewa katika eneo hili la Uingereza. Ila cha kustaajabisha ni kwamba hakuna yeyote anayeruhusiwa bila idhini, isitoshe wakati wa dharura uzio wa eneo hili pamoja na milango yake hujifunga.

Limelindwa na vyombo vya uslama kutokana na uhalifu na soko la dawa za kulevya uliokuwa umekithiri.

Safaricom yakana madai ya udukuzi huku ikiomba walionufaika na data, muda wa maongezi kurejesha

10. Cheyenne Mountain Complex, Marekani

Jumba hili lilio na ofisi nyingi za kiserikali linapewa ulinzi wa juu sana.

Hapo awali ilikuwa nyumba ya mradi wa ulinzi wa anga Marekani na Kanada.

Ukuta wa jengo hili una futi  2,000 ya madini ya granite dhabiti.

CHEYENNE-MOUNTAIN-COMPLEX_1460762933696_36314287_ver1.0_640_480-300x197

 

 

 

 

 

Afya Njema: Mboga hupunguza athari ya Kansa, Mshtuko wa moyo

Magonjwa hatari kama vile kansa na ugonjwa wa kisukari yanachangiwa na lishe duni.

Hivyo basi, kuna umihimu wa kuhamasisha Wakenya kuhusu vyakula vya asili ambavyo havina  madhara mengi katika afya ya binadamu.

Ulaji  mboga kwa wingi husaidia kupunguza maradhi ya kansa, ugonjwa wa kisukari na ugonjwa wa mshtuko  wa moyo.

Kipchoge awasili kimyakimya, fahamishwa mbona hatachinja ng’ombe kusherehekea

Kila mwaka Oktoba 16, ni siku ya Vyakula ulimwenguni na kauli mbiu wa mwaka huu ni kuzingatia vyakula vya kiasili ambavyo vilikuzwa na babu zetu.

Vyakula hivi vya kiasili vimesekana kuwa muhimu sana katika maisha ya bindamu kwa kuwa vinakuzwa katika hali mazingira asili pasi na kemikali nyingi .

Kumekuwa na athari ya ukosefu wa chakula kutokana na kupuuzwa kwa vyakula asili na kutegemea vyakula vinavyokuzwa katika mazingira yenye kemikali nyingi.

Umeshuhudia upepo mkali hapo ulipo?

Idara ya utabiri wa hali ya anga imeonya juu ya upepo mkali unaotarajiwa kuvuma katika kaunti za Kiambu, Nairobi na Machakos na Kajiado kwa siku tano zijazo.

Upepo huo wenye kasi zaidi ya mita 20 kwa sekunde (20m / s) umeshuhudiwa katika maeneo mengi yakiwemo taifa jirani la Tanzania huku ukisababisha hasara nyingi sana pamoja na maafa.

Katika mahojiano ya kipekee na mkurugenzi msaidizi wa huduma ya hali ya anga Samwel Mwangi alithibitisha kuwa upepo mkali umeathiri mji wa Thika na kuangusha mabango barabarani.

“Upepo mkali utashuhudiwa Nairobi kote. Tayari upepo huo umeangusha mabango,”alisema.

Alishauri Wakenya waepuke kutembea karibu na mabango au chini ya miti.

Vijana Wanaounga Jubilee Mkono Waahidi Kumpigia Debe Imran Okoth

 

Naye kaimu mkurugenzi wa idara ya hali ya anga, Stella Aura, alisema kuwa mvua kubwa zaidi ya 30mm inatarajiwa katika kaunti za Siaya, Kisumu, Homabay, Migori, Kisii, Nyamira, Trans Nzoia na Baringo katika siku tano zijazo.

Pia alisema mvua ya wastani inatarajiwa katika jiji la Nairobi na maeneo ya Nyandarua, Laikipia, Nyeri, Kirinyaga na Murang’a.

Aidha Aura alitaka mipango na mikakati ya dharura ya kuzuia mizozo katika ukanda wa pwani na eneo la Kusini Mashariki kutokana na mzozo wa rasilimali chache.

“Hatua madhubuti zinafaa kuchukuliwa ili kukabili migogoro ya kila mara baina ya binadamu na wanyamapori kutokana na uchache wa rasilimali.” alisema.

 

“Nimerejea Katika Ubora Wangu,” Messi Awaambia Mahasidi Wake