Wanasiasa watakao patikana wakitumia bunduki zao vibaya wakati wa uchaguzi mdogo watapokonywa leseni zao, haya ni matamshi yake waziri wa mambo ya ndani Fred Matiang'i.
Matiang'i alisema ghasia zilizoshuhudiwa wakati wa uchaguzi mdogo wa Alhamisi huko Kabuchai, Matungu na Nakuru hazikubaliki.
"Sababu kwa nini hii imeendelea kwa muda mrefu ni kwa sababu watu hawakabili matokeo halisi," Matiang'ialisema.
Alizungumza wakati wa uzinduzi wa Mpango Mkakati wa Tume ya Kitaifa ya Ardhi 2021-2026 jijini Nairobi.
Wakati wa uchaguzi mdogo wa Alhamisi, Waziri wa zamani wa Michezo Rashid Echesa alikamatwa kwenye kamera akimpiga afisa wa uchaguzi wakati mlinzi wa Seneta wa Kakamega Cleophas Malala alikamatwa kwa kumpiga risasi mkazi.
"Mbali na uondoaji wa silaha, serikali itabidi kuomba Sura ya 6 ya Katiba na Maafisa wa Serikali wataenda mahakamani wenyewe ili kufuta mwanasiasa yeyote anayehusika katika vurugu kutangaza kuwa hafai na hastahili kwa ofisi yoyote ya umma," Matianig'i alisema.
Alikataa masharti ya haki ya dhamana na ucheleweshaji wa mashtaka kwa wanasiasa maarufu.
Usemi wake Matiang'i unajiri saa chache baada ya IG Mutyambai kumtaka waziri wa zamani wa michezo Rashid Echesa ajisalimishe la sivyo ataonekana kuwa mhalifu na hatari.
