- Afisa wa Polisi auawa mwili wake wapatikana ndani ya gari lake
Afisa wa polisi Jumatatu alipatikana ameuawa ndani ya gari lake katika maeneo ya Kasarani huko Nakuru.
Mwili wa John Obweno, 28, ulipatikana ndani ya gari lake kwenye maegesho ya makao ya polisi. Alishikamana na tawi la uhalifu katika kituo cha polisi cha Nakuru Central.
Kulingana na Polisi damu ilikuwa ikivuja kutoka masikioni na puani.
Kamanda wa polisi wa kaunti ndogo ya Nakuru Mashariki Phanton Analo alisema kuvuja damu ni ishara kwamba alikuwa amepigwa risasi kichwani.
Analo alisema mwili ulilazwa tena kwenye kiti cha dereva na ulikuwa na majeraha kichwani.
Naibu kamishina wa kaunti ya Mashariki ya Nakuru Town Joseph Tonui alisema afisa huyo alipigwa risasi kichwani.
"Washambuliaji walivunja dirisha la dereva na chuma ili kufikia afisa huyo," alisema.
Tonui ameongeza kuwa injini ya gari ya Obweno ilikuwa ikiendelea kukimbia akiwa amelala amekufa ndani ya gari.
Alisema Obweno alionekana mara ya mwisho na mpenzi wake ambaye amepotea tangu wakati huo.
Msichana huyo pia ni afisa wa polisi katika kiwango cha koplo. Msimamizi alisema simu ya mwanamke huyo pia imezimwa.
Hata hivyo, afisa huyo hakuwa amelalamikia usalama wake na alikuwa buheri wa afya siku moja baada ya kukumbana na kifo chake.