(+PICHA)DP Ruto ashiriki chai na timu mpya ya usalama inayoshikamana na makazi yake

Naibu Rais William Ruto Jumatatu alikaribisha rasmi timu mpya ya usalama iliyoshikamana na makazi yake rasmi huko Karen, Nairobi.

Ruto, kama inavyoonekana kwenye picha zilizochapishwa kwenye ukurasa wake wa twitter inaonekana aliwaarifu maafisa hao kabla ya kukaa na kushiriki nao chai kwa mazungumzo zaidi.

"Kushiriki kikombe cha chai na timu mpya ya usalama wakati ninawakaribisha kwenye makazi rasmi ya Naibu Rais," aliandika.

Timu ya usalama inayojumuisha maafisa zaidi ya 10 walionekana wakifika kwenye makazi hayo na Ruto akiwa kiongozi.

Wikijana timu ya maafisa wa polisi waliokuwa wakilinda makazi ya Ruto walibadilishwa, huku Ruto akidai majibu ya kitendo hicho.

Maafisa wa GSU pia waliondoka nyumbani kwa Ruto vijijini huko Sugoi, mji wa Eldoret, makazi yake huko Elgon View na makao yake rasmi ya Karen jijini Nairobi.

Ofisi ya  IG ilitaja mabadiliko hayo kuwa ya kawaida, lakini katibu wa mawasiliano wa Ruto David Mugonyi alisema serikali inadhoofisha usalama wa DP na kuyataja mabadiliko hayo kuwa ya 'kishetani'.

Ofisi ya DP iliendelea kuandika barua kwa IG, kutafuta ufafanuzi wa mabadiliko hayo.