Kila kaya kupokea mtungi wa gesi kutoka serikalini-Ruto

Rais William Ruto amesema kuwa katika miaka mitatu ijayo, kila kaya nchini itakuwa na mtungi wa gesi.

Ruto alikuwa akizungumza wakati wa ibada ya kanisa huko Mpeketoni, Kaunti ya Lamu siku ya Jumapili.

Alisema kuwa tayari, mipango iko katika kazi ili kuhakikisha lengo hili linafikiwa.

“Tumepata kampuni ambayo itaweka kiwanda cha gesi cha Sh25 bilioni pale Dogokundu,” alisema.

“Nilisema juzi katika kipindi cha miaka mitatu ijayo, tunataka kuhakikisha kila kaya, katika kila kijiji inakuwa na mtungi wa gesi utakaotolewa na Serikali,” aliongeza.

Ruto alisema anataka kuhakikisha kuwa mazoea kama vile kukata miti ili kupata makaa ya kupikia yamekomeshwa.

"Tunataka kukomesha matumizi ya mafuta ambayo yanaathiri afya ya wanawake wetu kupitia moshi na madhara mengine ya nishati chafu," alisema. Alisema kuwa Serikali inataka kuhakikisha kuwa Kenya inabadilisha njia yake ya kupika.

“Tunataka kuona kwamba upishi wetu ni safi na tunatumia nishati safi,” alimalizia.