EACC yanasa mihuri bandia katika kesi ya ufisadi wa shilingi bilioni 1.6

Mihuri hiyo bandia inadaiwa kutumika katika kuendesha ufisadi wa takribani shilingi bilioni 1.6 katika madai yanayowausisha maafisa wa kamati ya utendaji wa kaunti CEC na maafisa wakuu waliokamatwa Alhamisi tarehe 24.

Katika uchunguzi wa EACC, maafisa walipata ofisi inayodaiwa kutengeneza stakabadhi bandia nyumbani kwa mhandisi Victor Kipkemoi Cheruiyot aliyetoroka na kuwaacha maafisa hao nyumbani wakati wa msako.

EACC inaamini kuwa mshukiwa huyo amekuwa akitengeneza stakabadhi bandia alizokuwa akitumia kudai malipo ya miradi isiyokuwepo kwa ujshirikiano na maafisa katika kaunti ya Bomet.

Nyumbani kwa Victor Kipkemoi, kulipatikana pia hati za ununuzi na malipo zilizodhibitishwa na maafisa wa kampuni mbali mbali pamoja na hnati za zabuni zinazosubiri kutiwa sahihi.

Vile vile, stakabadhi za maagizo ya ununuzi, hati za malipo ambazo hazijatumika pamoja na stakabadhi za mahitaji ya kazi mbali mbali za ujenzi kwa makampuni zinazoshukiwa kuwa ghushi zilipatikana nyumbani kwa mshukiwa huyo.

Aidha, EACC inaendelea kufanya uchunguzi wa washukiwa kupata mali ya umma kwa njia za udanganyifu.