Chuo cha USA chadinda kumfuta kazi profesa aliyeita shambulizi la Hamas 'la kufurahisha'

Chuo Kikuu cha Columbia nchini Marekani kimekataa kutoa maoni yake juu ya ghadhabu inayoongezeka juu ya profesa mstaafu ambaye alitaja mashambulizi ya kigaidi ya Hamas dhidi ya Israeli "ya kufurahisha" - huku ombi la kutaka kuangushwa kwake kupata saini zaidi ya 45,000.

Profesa wa siasa na historia Joseph Massad alishutumiwa kwa "kuunga mkono na kushabikia ugaidi" katika ombi la Change.org lililoundwa na mwanafunzi Maya Platek mwenye umri wa miaka 23.

Mwalimu huyo alitaja mashambulizi ya Hamas dhidi ya Israel "ushindi wa kushangaza" katika makala aliyochapisha kwenye The Electronic Intifada siku moja baada ya mzozo huo kuzuka, New York Post waliripoti.

"Bila kujali msimamo wa mtu juu ya mzozo huo, kuunga mkono na kusifu moja ya vitendo vibaya zaidi vya ugaidi katika historia haikubaliki kamwe," ombi hilo linasoma.

"Tunatoa wito kwa Chuo Kikuu cha Columbia kumwajibisha Massad kwa maoni yake na kumwondoa mara moja kutoka kitivo cha Columbia."

Barua ya mshikamano na Massad ilitolewa kwa upande wake, ikilaani ombi dhidi yake na kumtaka Rais wa Columbia Nemat Shafik "kuhakikisha usalama wake wa kimwili na uhuru wake wa kitaaluma bila shaka."

Barua hiyo imetiwa saini na zaidi ya watu 600.

Columbia imekataa mara kwa mara kutoa maoni juu ya suala hilo ilipowasiliana na The Post.