• Waendesha mashtaka walidai kuwa Trump alijaribu kuficha malipo hayo katika juhudi za kuboresha nafasi zake katika kinyang'anyiro hicho, ambacho hatimaye alishinda.
• Mwishoni mwa kesi ya Alhamisi, tarehe ya hukumu iliwekwa Julai 11, kwa ombi la wakili wa utetezi Todd Blanche.
Rais wa zamani wa Marekani Donald Trump amepatikana na hatia katika kesi ya kihistoria ya uhalifu wa kimyakimya, katika uamuzi ambao unaweza kutikisa kampeni za uchaguzi wa 2024.
Amekuwa rais wa kwanza wa Marekani, wa zamani au wa sasa, kushtakiwa na kuhukumiwa kwa uhalifu.
Mahakama ya jiji la New York ilitoa uamuzi huo Alhamisi alasiri baada ya kesi iliyodumu kwa wiki saba - na ikampata Trump na hatia katika makosa yote 34 aliyokabiliwa nayo.
Waendesha mashtaka walikuwa wamewaita karibu mashahidi dazeni mbiliili kutoa ushahidi, na baada ya mabishano ya mwisho kuhitimishwa siku ya Jumanne, mahakama ilichukua siku mbili kutoa uamuzi.
Trump alishtakiwa kwa makosa 34 ya kughushi nyaraka za biashara kuhusiana na malipo ya kimyakimya aliyolipwa nyota wa filamu za watu wazima Stormy Daniels kabla ya uchaguzi wa rais wa Marekani 2016.
Waendesha mashtaka walidai kuwa Trump alijaribu kuficha malipo hayo katika juhudi za kuboresha nafasi zake katika kinyang'anyiro hicho, ambacho hatimaye alishinda.
Rais huyo wa zamani wa chama cha Republican, ambaye anatazamiwa kuchuana vikali na mgombea wa chama cha Democratic Joe Biden katika uchaguzi wa Novemba, alikana mashtaka.
Sasa anakabiliwa na kifungo cha hadi miaka minne jela kwa kila kosa, ingawa waangalizi wa mahakama wanasema kuna uwezekano kwamba atafungwa jela, kinyume na muda wa majaribio au huduma kwa jamii.
Mwishoni mwa kesi ya Alhamisi, tarehe ya hukumu iliwekwa Julai 11, kwa ombi la wakili wa utetezi Todd Blanche.
Kesi hiyo inakuja siku nne kabla ya kuanza kwa Kongamano la Kitaifa la Republican huko Wisconsin, ambapo Trump anatarajiwa kutambuliwa rasmi kuwa mgombea wa urais wa chama hicho.