Mwanafunzi wa kiume mwenye umri wa miaka 14 yuko kizuizini baada ya kushukiwa kufyatua risasi kiholela shuleni na kuwaua watu 4 huku akiwajeruhi wengine 9 vibaya.
Kwa mujibu wa CBS News, mkasa huo wa kustaajabisha ulitokea katika jimbo la Georgia nchini Marekani katika shule ya upili ya Apalachee.
Mkurugenzi wa Ofisi ya Upelelezi ya Georgia Chris Hosey alisema katika mkutano na waandishi wa habari alasiri kwamba wahasiriwa wawili waliouawa walikuwa wanafunzi na wawili walikuwa walimu.
Mshukiwa alitambuliwa kama Colt Gray mwenye umri wa miaka 14, mwanafunzi wa shule hiyo, Hosey alisema.
Aliwekwa chini ya ulinzi akiwa hai na anashukiwa kufyatua risasi mamlaka zikisema atashtakiwa kwa mauaji na "kushughulikiwa" kama mtu mzima.
Waathiriwa wote tisa waliolazwa hospitalini walikuwa wamepigwa risasi "kwa kiasi fulani," Sherifu wa Kaunti ya Barrow Jud Smith alisema. Wote tisa walitarajiwa kuishi, Smith alisema.
Mshukiwa alijisalimisha alipokabiliwa na maafisa wa kutekeleza sheria wanaojibu, Smith alisema.
Smith alifichua kwamba mtu anayedaiwa kuwa na bunduki alikuwa akizungumza na mamlaka na kwamba mazungumzo hayo "yalikuwa yanasaidia katika uchunguzi wetu." Alikuwa anazuiliwa katika Kituo cha Mahabusu cha Kaunti ya Barrow.
Mtoto huyo anayedaiwa kufyatua risasi alitumia bunduki ya mfumo wa AR na hakukuwa na ushahidi kuwa wapigaji wengine walihusika, kulingana na Hosey.
