Polisi wa Australia wanashirikiana na polisi wa kimataifa kumsaka mwanamume anayedaiwa kumwagia mtoto mchanga kahawa moto jijini Brisbane mwezi uliopita.
Kulingana na polisi ambao tayari wametoa kibali cha kukamatwa kwa mwanamume huyo, wamesema kuwa jamaa huyo aliyeonekana kwa kamera za CCTV alimwagia mtoto wa miezi tisa kahawa hiyo iliyokuwa inachemka na kumwacha na majeraha mabaya usoni na miguuni.
Taarifa zaidi za polisi wa Queensland zilizotelewa Jumatatu zimeeleza kuwa mshukiwa mkuu alitorokea nchini Sydney kupitia uwanja wa ndege siku sita baada ya kufanya kitendo hicho ikiwa saa kumi na mbili kabla ya polisi kuhakiki utambulisho wake.
Ijapokuwa lengo la mwanamume huyo kumwagia mtoto kahawa moto halijajulikana, polisi wamesema mwanamume huyo atashtakiwa kwa kosa la kukusudia kusababisha madhara makubwa ya mwili, kosa ambalo linaweza kumweka gerezani kwa kifungo cha maisha.
Aidha katika ujumbe kwa vyombo vya habari leo Jumatatu, wazazi wa mtoto wamekiri kuwa hali yake iko shwari japo anahitaji matibabu zaidi wa kurekebisha ngozi.
