Watu watatu wa shirika la msalaba mwekundu wamethibitishwa kufariki baada ya lori lao kushambuliwa na kikosi cha kijeshi cha Russia kushambulia lori hilo ambalo ni la kamati ya kimataifa ya msalaba mwekundu.
Kisa hicho kilitokea tarehe 12 septemba 2024, ambacho kilitekelezwa na jeshi la taifa hilo la Russia na kusababisha lori hilo kulipuka na kupelekea watatu hao kupoteza maisha yao.
Kufuatia taarifa kwa vyombo vya habari kutoka kwa rais wa taifa hilo ,tukio hilo lilitokea katika kijijin cha Viroliubivka karibu na eneo la Donetsk.
Kutokana kwa kupigwa bomu kwa gari hilo,watatu walifariki hjapo kwa hapo na kusababisha majeraha kwa wafanyakazi wengine wawili kweye shambulizi hilo.Ni taarifa ambayo ilithibitishwa na mojawapo ya viongozi kutoka taifa hilo la Ukraine.
Tukio hilo linashtumiwa kuwa limechangiwa sana na mgogoro uliopo baina ya mataifa hayo ,ni jambo ambalo rais wa taifa hilo la Ukraine Volodymyr Zelenskiy ametilia mkazo kupitia mtandao weake wa X.
Kufuatia shambulizi hilo,limewatia wakaazi wa eneo la Viroliubivka na woga hasa kutokana na mabomu ambayo yalikuwa yanarushwa na jeshi ya Russia.Kiongozi wa eneo hilo Vadym Filashkin ameongeza kupitia mtandao wa Telegram huku baadhi ya watu kutoka eneo hilo wakiuguza majeraha.
