Botswana: Rais atupwa nje baada ya muhula 1 chama tawala kikipoteza kwa mara ya kwanza tangu 1966

Historia imeandikishwa katika taifa la Botswana baada ya rais Mokgweetsi Masisi kutupwa nje na wapiga kura baada ya kuhudumu kwa muhula mmoja tu.

Rais Mokgweetsi Masisi kutoka chama tawala cha BDP ameonekana kushindwa na vyombo mbalimbali vya habari vimeripoti kwamba amekubali matokeo.

Kushindwa kwake kunamaanisha kwamba chama tawala, BDP kinapoteza uchaguzi wa urais kwa mara ya kwanza tangu mwaka 1966 taifa hilo lilipojinyakulia uhuru.

Kukubaliwa kwa Masisi siku ya Ijumaa kulikuja kabla ya matokeo ya mwisho kutangazwa, huku chama chake cha Botswana Democratic Party (BDP) kikishika nafasi ya nne, kulingana na hesabu za tume ya uchaguzi.

"Tulikosea mbele ya macho ya watu," Masisi aliuambia mkutano wa wanahabari katika mji mkuu, Gaborone.

“Tulisadikishwa sana na ujumbe wetu. Lakini kila dalili, kwa kipimo chochote, ni kwamba hakuna njia ambayo ninaweza kujifanya kuwa tutaunda serikali.”

Rais, ambaye alikuwa akitafuta muhula wa pili wa miaka mitano katika uchaguzi wa Jumatano, alisema "ataondoka".

Chama cha Umbrella for Democratic Change (UDC), kinachoongozwa na wakili wa haki za binadamu Duma Boko, kilishinda viti 20, kulingana na hesabu za awali.

UDC inaonekana itaunda serikali huku ikitarajiwa kupitisha kizingiti cha viti 31 kwa wingi wa wabunge.

Boko, ambaye anagombea kwa mara ya tatu, amewataka wafuasi wake "kudumisha umakini na nidhamu".

Licha ya kusimamia mabadiliko makubwa nchini Botswana, ukuaji duni wa uchumi wa hivi majuzi na ukosefu mkubwa wa ajira ulidhoofisha umaarufu wa BDP.

Atachukua nafasi ya Mokgweetsi Masisi - ofisini tangu 2018 - ambaye aliongoza kampeni iliyofeli ya BDP.

Rais alikimbilia ujumbe kwamba chama chake kinaweza kuleta "mabadiliko", lakini si wapiga kura wa kutosha waliokuwa na imani kuwa BDP inaweza kufanya kile ambacho kilihitajika kwa nchi.