WFP: Watu zaidi ya bilioni 3 wapo hatarini ya kuishi maeneo ya hatari kubwa ya mabadiliko ya hali ya hewa kufikia 2030

Shirikala mpango wa chakula duniani WFP limearifu kuwa takribani watu bilioni tatu kote duniani huenda kufikia mwaka wa 2030, wataishi katika maeneo ambayo yana hatari kubwa ya kushuhudia mabadiliko ya hali ya hewa.

Kulingana na shirika hilo, mabadiliko ya hali ya hewa inapelekea mamilioni ya watu duniani kukumbwa na njaa kila mwaka kutokana na kuongezeka kwa mabadiliko ya hali ya hewa inayosambaratisha hali ya kibinadamu ambayo tayari iko mashakani.

WFP imesema kwamba katika maeneo ambayo yapo katika hatari kubwa ya kushuhudia mabadiliko ya hali ya hewa, takribani watu bilioni tatu watakumbwa na janga hilo kufikia mwaka wa 2030.

Shirika hilo limeongeza kusema kwamba matukio makali ya hali ya hewa yanayoshuhidiwa katika baadhi ya nchi duniani, inaathiri watu mara tatu zaidi ikilinganishwa na sehemu nyingine kila mwaka. WFP aidha imesikitikia kuwa mataifa ambayo yapo katika hatari zaidi yanakosa kupata ufadhili wa kupambana na mabadiliko hayo kwa kiwango cha chini zaidi cha mara 80 kulinganishwa na mataifa mengine.

Hata hivyo shirika la mpango wa chakula duniani WFP, limeshauri kwamba ili kupigana na njaa, ni lazima juhudi za kupambana na mabadiliko ya hali ya hewa yatekelezwe kwa haraka katika sehemu zilizo kwenye shinikizo kubwa.