Aliyekuwa Gavana wa Samburu Moses Lenolkulal amehukumiwa kifungo cha miaka minane jela au kulipa faini ya Sh85.4 milioni.
Bosi huyo wa zamani wa kaunti alipatikana na hatia ya ufisadi uliohusisha Sh83.3 milioni.
Mahakama ya Kupambana na Ufisadi ya Milimani mnamo Alhamisi, Agosti 29, iliamua kwamba Lenolkulal alinufaika isivyo halali kwa kusambaza bidhaa za petroli kwa serikali ya Kaunti ya Samburu.
Hakimu Thomas Nzyoki alisema Lenolkulal alitenda katika mgongano wa maslahi.
Alitoa zabuni ya usambazaji wa mafuta kwa kituo chake cha mafuta.
Lenolkulal alihukumiwa miaka minne kwa mgongano wa kimaslahi na miaka mingine minne kwa kupata mali ya umma kinyume cha sheria.
Ni lazima alipe mara mbili ya kiasi alichopata, jumla ya Sh83,460,995.
Hesbon Ndathi, wakala wa Lenolkulal, pia amepatikana na hatia. Alihukumiwa kifungo cha miaka minne au faini ya Sh1 milioni kwa kujipatia mali ya umma kinyume cha sheria. Wanaume wote wawili wamepigwa marufuku kushikilia ofisi yoyote ya umma kwa miaka 10.
