Washukiwa 4 wa ubakaji wafungwa jela miaka 15

Mahakama ya Kabarnet katika kaunti ya Baringo imewafunga washukiwa wanne wa ubakaji miaka 15 kila mmoja baada ya kupatikana na hatia ya ubakaji wa genge.

Kesi hiyo iliyosikilizwa mbele ya hakimu Edwin Mulochi ilisema kuwa ushahidi uliowasilishwa na mashahidi ulikuwa wa kutosha na wenye uzito mkubwa dhidi ya washukiwa.

Hakimu Edwin Mulochi aliwapata washukiwa hao kwa majina Benard Kiprop, Jackson Cheruiyot, Kurgat Chebotibin na Benson Cheruiyot na hatia kinyume na kifungu cha 10 cha sheria ya vitendo vya ukatili wa kijinsia.

Mashahidi waliowasilishwa na Rebecca Bartilol walitoa ushahidi ambao mahakama ilitaja kuwa ulionyesha hatia kwa washtakiwa bila shaka yoyote na kupita viwangovya kisheria vinavyohitajika kwa ajili ya kutiwa hatiani.

Wafungwa hao walipatikana na hatia ya kutekeleza ubakaji huo mnamo Septemba tarehe 24 mwaka wa 2023mwendo wa saa moja jioni katika kijiji cha Sirwet, kaunti ndogo ya Baringo Kusini.