Kenya kutumia Makamasi ya konokono kutengeneza dawa za kutibu kikohozi

Watafiti kutoka chuo kikuu cha kilimo na teknolojia cha Kenyatta wamedokeza kwamba hivi karibuni watazindua dawa na kutibu kikohozi kwa watoto.

Kulingana na watafiti hao, dawa hiyo itakuwa inatengenezwa kutoka kwa makamasi ya konokono.

Kulingana na mtafiti mmoja ambaye ni mhadhiri katika chuo hicho, Paul Kinoti, ziara yake nchini Ghana ilimfunua akili na kuanza kutafiti jinsi makamasi ya konokono yanaweza kuwa na manufaa kwa afya ya mwanadamu.

"Wakati mmoja nilipoenda Ghana, niliona kwamba wanatumia makamasi ya konokono kwa madhumuni ya dawa. Kama vile tunavyo dawa za kienyeji katika nchi yetu, wao pia wanayo hiyo kama dawa yao ya kienyeji na inaambatana na asali,” Kinoti aliambia jarida moja la humu nchini.

Aliporudi, alianzisha utafiti wa kutengeneza dawa ya kutibu kikohozi kwa watoto kutokana na ute huo wa konokono.

Jkuat ilishirikiana na Jumba la Makumbusho la Kitaifa na Huduma ya Wanyamapori ya Kenya (KWS) kuanza kufuga konokono na kuwafunza wakulima jinsi ya kuwafuga.

KWS inahusika kwa sababu konokono wameainishwa kama wanyamapori. Makumbusho ya Kitaifa ya Kenya, kwa upande mwingine, husaidia kupata konokono, Nation walifafanua.

Alieleza kuwa konokono kutoka sehemu kavu ndio wanaotafutwa zaidi kwa sababu wana takribani misombo 12 inayotumika kwa madhumuni ya dawa.

"Tunafikiri kuwa miale ya jua ni mali kwa konokono katika maeneo kavu kwa sababu hutoa ute mwingi na misombo muhimu ambayo inaweza kutumika kutibu kikohozi kikavu," anafafanua.

Shirika la Afya Ulimwenguni, Dkt Kinoti anasema, linataka konokono hao wasiharibiwe katika mchakato wa kutoa makamasi.

Konokono huoshwa na kusafishwa kwa kutumia sanitiser iliyo na pombe ili kuzuia uchafuzi. Kisha suluhisho la asidi ya citric yenye maji hufanywa, na baada ya kuchochewa, konokono hutoa makamasi. Ute uliotolewa husafishwa kwa kuondoa asidi ya citric.