Karibu Dala!Rais Ruto akaribishwa kwa mbwembwe Homabay

Ruto yuko katika ziara ya kiserikali ya siku mbili katika eneo la Nyanza.

Muhtasari
  • Ruto ataongoza hafla ya uzinduzi wa Mpango wa Nyumba za bei nafuu katika kaunti ya Homa Bay
  • Alianza ziara ya Nyanza katika Kaunti ya Homa Bay, ambapo alipokelewa na Gavana Gladys Wanga

RAIS WILLIAM RUTO AKIWA KWENYE ZIARA YA KISERIKALI KATIKA KAUNTI YA HOMABAY 13/01/2023
Image: PCS

Huku Homabay ikijulikana kama moja wapo ya ngome za kinara wa Azimio, siku ya Ijumaa Rais Ruto alikaribishwa kwa shangwe na wakazi ya kaunti hiyo.

Wakazi walishika mabango huku yakiwa na ujumbe wa kumkaribsha Rais, huku akifanya ziara yake kaunti ya Homabay.

"Karibu Dala Wuod Sugoi (Karibu nyumbani mtoto wa Sugoi),"Moja wa bango lilisoma.

Ruto yuko katika ziara ya kiserikali ya siku mbili katika eneo la Nyanza.

Alianza ziara ya Nyanza katika Kaunti ya Homa Bay, ambapo alipokelewa na Gavana Gladys Wanga.

Naibu Rais Rigathi Gachagua pia alikuwepo miongoni mwa viongozi wengine.

Image: PCS

Katika ziara hiyo, Ruto ataagiza soko la manispaa ya Homa Bay na kuongoza Mpango wa Nyumba za bei nafuu.

Rais atakuwa katika kaunti ya Homa Bay kabla ya kurejea Kisumu kwa mazungumzo na viongozi wa kisiasa wa eneo hilo.

Ruto ataongoza hafla ya uzinduzi wa Mpango wa Nyumba za bei nafuu katika kaunti ya Homa Bay.