Kura za Raila ziliibiwa 2013,2017 na 2022-Kalonzo adai

Kiongozi wa chama cha Wiper, Kalonzo Musyoka, mnamo Jumanne, Juni 12, alifichua mazungumzo yake ya mwisho na kinara mwenza wa Azimio la Umoja Raila Odinga, ambayo yalimfanya aache azma yake ya kuwa mgombea mwenza wa urais.

Kalonzo alipokuwa akizungumza kwenye uzinduzi wa bweni katika Shule ya Sekondari ya Mumbuni, alifichua kuwa alitenda kwa manufaa ya muungano huo.

Huku akirejelea jinsi Raila alivyomsadikisha kwamba Martha Karua angekusanya kura nyingi zaidi kama mgombea mwenza, Kalonzo alidumisha imani yake kwamba Azimio alishinda uchaguzi wa urais wa Agosti 9, 2022.

“Tulikuwa katika Shamba la Yatta juzi kwa ajili ya Shukrani ingawa sikuwa kwenye kura.

"Raila alinipigia simu na kunieleza kuwa tukimchagua Karua, ataleta kura zote za wanawake nchini Kenya," Kalonzo alieleza kwa nini jina lake halikushiriki kwenye kura kwa mara ya kwanza tangu kutangazwa kwa Katiba ya 2010.

Kalonzo alieleza zaidi kuwa alichukua muda kutafakari ombi la Raila kabla ya kukubali kuachia ngazi Karua.

“Baada ya Raila kuniomba, nilienda shambani kwangu kutafakari. Nilikubaliana naye kwa sababu tulikuwa kwenye kura 2013 na 2017, kwa hivyo nikaona ni sawa kujipanga upya,” alifichua ni kwa nini alikubali kujiondoa kwenye kinyang’anyiro hicho.

Hata hivyo, Kalonzo alishikilia kuwa Raila alishinda uchaguzi wa urais wa 2013, 2017 na 2022.

“Mwaka 2013 tulishinda na hatukushinda. Hali hii ilijirudia 2017 na 2022 na ndio maana mlituona tukiandamana,” kiongozi wa Chama cha Wiper alisema.

Wakati wa hafla hiyo, Kalonzo aliwataka waliokuwa magavana Kivutha Kibwana, Alfred Mutua na Charity Ngilu kuzungumza mara mbili wakati wa kampeni.