Azimio:Wakenya hawali serikali, wanataka chakula

Muungano wa Azimio la Umoja sasa unasema kuwa Wakenya wamechoshwa na utawala wa Rais William Ruto zaidi wakidai kuwa hawajali tena.

Kiongozi wa Wachache katika Seneti Stewart Madzayo alisema huku Wakenya wakiomba serikali kupunguza gharama ya maisha na kupunguza ushuru, serikali inaendelea kuzungumza kuhusu fedha.

Katika taarifa yake, Madzayo alisisitiza kuwa Wakenya wanachotaka ni chakula, kwa sababu hawawezi kula serikali.

"Wakenya wameomba mahususi gharama za bidhaa zishuke na kodi zipunguzwe lakini Kenya Kwanza inazungumzia nakisi na fedha. Tumeona Kenya Kwanza ikitumia maneno ya uchovu kama "Bwana wa vurugu" haitafanya kazi," alisema. .

"Watu hawajali. Wanachotaka ni chakula na maisha bora... Wananchi wanatambua kwamba hawali serikali. Watu wanakula chakula na wanataka chakula," alisema.

Seneta huyo alisema kuwa waandamanaji hao, tofauti na wanavyodai viongozi wa Kenya Kwanza, wanatoka matabaka mbalimbali, wakiwemo baadhi ya vyama vinavyohusishwa na muungano unaotawala.

"Maelfu ya Wakenya wanaojitokeza kwa maandamano sio tu wafuasi wa Azimio. Hao ni Wakenya kutoka mirengo yote ya kisiasa na isiyo ya kisiasa ambao wameletwa pamoja kwa mateso," Madzayo alisema.

Waandamanaji hao wanatoka Azimio, Ford Kenya, ANC, na hata Kenya Kwanza."

Aliongeza kuwa ni wazi kuwa Kenya Kwanza inajitahidi katika nyanja zote, na kuwataka Wakenya kuamka na ukweli kwamba wako peke yao.

"Tunapaswa kupigana wenyewe," alisema.

Katika kikao chao Jumatatu 17, kiongozi wa wachache Opiyo Wandayi amekiri kuwa hakuna mtu yeyote nchini ambaye ana mamlaka ya kusitisha au kukomesha maandamano yanayopangwa na mtu au kikosi cha watu nchini.

Wandayi alisema kuwa, licha ya kupokea vitisho vikali kutoka kwa viongozi wa serikali wakiwemo Rais Ruto, waziri wa usalama Kithure na Kindiki na naibu Rais Righathi Gachagua, maandmano yao ya siku tatu yangali yapo.

“Maandamano ya amani yaliyopangwa Jumatano, Alhamisi na Ijumaa juma hili yatafanyika kama yalivyopangwa na kuamuliwa na viongozi wetu. Hili litafanyika kulingana na kipengele 37 cha katiba ya nchi, Tunapaswa kama sote tunavyofahamu kuwa tunao uhuru wa kufanya mikutano ya amani. Hakuna yeyote anapaswa kukinzana na kipengele hicho,” Alisema Wandayi.