Madaktari kujiunga na waandamanaji ili kutoa huduma za matibabu

Huku maandamano ya kupinga mswada wa kifedha yakiingia siku ya pili, Muungano wa Madaktari, (KMPDU) umetangaza kushiriki kwa wanachama wake, kwa mpango wa kutoa huduma za matibabu kwa waandamanaji.

Katibu Mkuu wa KMPDU Davji Atellah amesema madaktari watashughulikia majeraha na dharura ambazo zinaweza kutokea kutokana na maandamano yaliyopangwa katika miji yote ya Kenya.

Madaktari hao wananuia kukusanyika Nairobi na miji mingine mchana kuungana na waandamanaji wengine.

"Kama @kmpdu, tunasimama kuunga mkono kikamilifu #MedicsForKenya na kujiunga na wito wa kitaifa kwa #RejectFinanceBill2024. Ahadi yetu inaenea katika kutoa huduma za matibabu kwa waandamanaji wote wa amani wanaoshiriki katika harakati hii muhimu," Davji aliandika kwenye X.

"Tutakutana Nairobi CBD na miji mingine inayohusika saa 12 jioni ili kuhakikisha kuwa sauti zetu zinasikika na kwamba wananchi wenzetu wanapata huduma wanayohitaji wakati wa maandamano haya."

Huku akiapa kufanya uwepo wao kuhisiwa, Davji alisema kuwa madaktari wako nyuma ya hatua hiyo ya kuanzisha mabadiliko ya maana huku pia wakilinda afya ya Wakenya.

"Tunaamini katika nguvu ya maandamano ya amani kuleta mabadiliko ya maana na tumejitolea kusaidia wale wanaotumia haki zao za kidemokrasia.

Tusimame pamoja kwa mshikamano, kutetea mustakabali wa haki na haki kwa taifa letu. VIVA!" aliongeza.

Wabunge leo wanajadili Mswada wa Fedha wa 2024 huku maelfu ya Wakenya waliokasirishwa kutoka kote nchini wakikusanyika katika miji mtawalia ili kuleta shinikizo katika maandamano maarufu ya Occupy Bunge.