Takriban watu 9 wafariki kwenye ajali eneo la Ratili kwenye barabara kuu ya Narok-Bomet

Takriban watu tisa waliuawa Jumamosi jioni katika ajali ya barabarani kwenye barabara kuu ya Narok-Bomet.

Polisi walisema wengine wawili walijeruhiwa katika ajali hiyo iliyotokea eneo la Ratili.

Ajali hiyo ilitokea baada ya matatu kutoka Narok iliyokuwa ikielekea Bomet kupasuka tairi. Hii ilifanya dereva kushindwa kudhibiti matatu ambayo ilibingirika kutoka barabarani na kuwaua tisa papo hapo, polisi walisema.

Ajali hiyo ilitokea baada ya matatu kutoka Narok iliyokuwa ikielekea Bomet kupasuka tairi. Hii ilifanya dereva kushindwa kudhibiti matatu ambayo ilibingirika kutoka barabarani na kuwaua tisa papo hapo, polisi walisema.

Gari hilo ambalo lilikuwa limeharibika kwa kiasi kikubwa, lilivutwa hadi kituo cha polisi cha Mulot likisubiri kufanyiwa ukaguzi.

Hii ni ajali ya hivi punde zaidi kutokea katika eneo hilo. Katika wiki pekee iliyopita, hadi watu 20 wamekufa katika ajali tofauti nchini.

Takriban watu watano waliuawa Alhamisi, Juni 27 usiku kwenye mgongano kwenye barabara ya Gilgil-Naivasha, polisi walisema.

Polisi walisema kuwa takriban wengine 19 walijeruhiwa katika ajali hiyo iliyotokea eneo la Kigio iliyohusisha matatu tatu mwendo wa saa saba usiku.

Majeruhi walikimbizwa hospitalini wakiwa na majeraha mengi, polisi walisema na kuongeza kuwa waliofariki ni wanaume wawili, mwanamke, mvulana na msichana.

Hadi watu 4,000 huuawa kila mwaka katika ajali tofauti. Kuna kampeni ya kushughulikia tishio hilo. Wengine wengi wamesalia na majeraha katika visa hivyo vinavyoumiza familia.

Mamlaka ya Kitaifa ya Uchukuzi na Usalama inasema sababu kuu za ajali mbaya ni pamoja na kugonga na kukimbia, kupasuka kwa matairi na magari na pikipiki kupoteza udhibiti.

Pia kupita njia isivyofaa na kushindwa kushika njia ifaayo na kusababisha migongano ya uso kwa uso imetajwa kuwa sababu.